Dimitrij Küttel, leikmaður Kadetten Schaffhausen og svissneska landsliðsins, glímir nú við krabbamein. Hann er 26 ára.
Í leiknum gegn Rhein-Neckar Löwen í Evrópudeildinni í gær sást að nokkrir leikmenn Kadetten Schaffhausen höfðu krúnurakað sig til að sýna Küttel stuðning.
Svissneska landsliðið sýndi honum líka stuðning á HM í Egyptalandi í síðasta mánuði og ljóst er að félagar hans standa þétt við bakið á honum.
Recently the Swiss national team have shown support to the national player, Dimitrij Küttel, who has been diagnosed with cancer.
— Rasmus Boysen (@RasmusBoysen92) February 2, 2021
The match of @Kadettensh vs Löwen tonight revealed that several of the team mates of Küttel have a new hairstyle to show support.
Handball family pic.twitter.com/fHW3c8ty3K
Aðalsteinn Eyjólfsson er þjálfari Kadetten Schaffhausen sem er stærsta liðið í Sviss og fastagestur í Evrópukeppnum.
Leik Kadetten Schaffhausen og Löwen í gær lyktaði með jafntefli, 30-30. Ýmir Örn Gíslason skoraði tvö mörk fyrir Ljónin og fékk auk þess rautt spjald undir lok leiks.
Löwen er á toppi D-riðils Evrópudeildarinnar með sjö stig. Kadetten Schaffhausen er í 3. sæti riðilsins með fjögur stig.
