Innlent

Fluttur á sjúkrahús eftir bíl­veltu á Eyrar­bakka­vegi

Kristín Ólafsdóttir skrifar
Lið frá Brunavörnum Árnessýslu var sent á slysstað.
Lið frá Brunavörnum Árnessýslu var sent á slysstað. Vísir/vilhelm

Bílvelta varð á Eyrarbakkavegi rétt sunnan við Selfoss skömmu fyrir klukkan ellefu í kvöld. Ökumaður var einn í bílnum og var fluttur á sjúkrahús á Selfossi.

Útkallið barst um klukkan tíu mínútur í ellefu. Slökkvilið, sjúkraflutningamenn og lögregla fóru strax á vettvang og veginum var lokað um stund, að sögn Péturs Péturssonar slökkviliðsstjóra.

Sjúkraflutningamenn aðstoðuðu manninn út úr bílnum og ekki þurfti að beita klippum. Maðurinn var fluttur með sjúkrabíl á Heilbrigðisstofnun Suðurlands á Selfossi en ekki er vitað um líðan hans. 

Vegurinn hefur nú aftur verið opnaður fyrir umferð. Þá er bíllinn töluvert skemmdur, að sögn Péturs, en lögregla sér um að fjarlægja hann af vettvangi. 

Fréttin vvar uppfærð klukkan 23:37.

Árborg Slökkvilið Lögreglumál Samgönguslys
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið