Erlent

Hét því að setja aukinn kraft í bólu­setningar

Atli Ísleifsson skrifar
Joe Biden hefur sagt markmiðið vera að ná að bólusetja 100 milljónir Bandaríkjamanna á fyrstu hundrað dögum sínum í embætti.
Joe Biden hefur sagt markmiðið vera að ná að bólusetja 100 milljónir Bandaríkjamanna á fyrstu hundrað dögum sínum í embætti. Getty

Joe Biden Bandaríkjaforseti hét því í gær að setja aukinn kraft í bólusetningu þar í landi þannig að flest allir Bandaríkjamenn verði búnir að fá bólusetningu gegn Covid-19 í lok sumars eða snemma í haust.

Á fréttamannafundi í Hvíta húsinu í gær sagði Biden að nýja ríkisstjórnin muni senda fleiri bóluefnaskammta til ríkjanna auk þess sem 200 milljónir skammta af bóluefni frá Pfizer og Moderna verði keyptir hið snarasta.

Þá eigi einnig að dreifa efninu mun hraðar en hingað til hefur verið raunin, þannig að um 1,4 milljónir fái nú bóluefni á hverjum degi í Bandaríkjunum og tíu milljónir skammta á viku, næstu þrjár vikurnar.

Biden segir að takmarkið sé síðan að ná að bólusetja 100 milljónir Bandaríkjamanna á hundrað dögum.

Faraldur kórónuveiru (COVID-19) Bandaríkin Bólusetningar Joe Biden
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið