Innlent

Róbert liggur undir feldi

Atli Ísleifsson skrifar
Róbert Marshall var ráðinn upplýsingafulltrúi ríkisstjórnarinnar í mars 2020.
Róbert Marshall var ráðinn upplýsingafulltrúi ríkisstjórnarinnar í mars 2020. Vísir/Vilhelm

Róbert Marshall, upplýsingafulltrúi ríkisstjórnarinnar, íhugar nú að bjóða sig fram í forvali Vinstri grænna í Reykjavík fyrir þingkosningarnar sem fram fara næsta haust.

Þetta staðfestir Róbert í samtali við Vísi, en Fréttablaðið sagði frá þessu í morgun. Róbert vill annars ekki tjá sig um málið.

Róbert hefur áður átt sæti á þingi – fyrir Samfylkinguna á árunum 2009 til 2012 og sat svo utan flokka fram að kosningunum 2013. Þá sat hann á þingi fyrir Bjarta framtíð 2013 til 2016 þar sem hann var um tíma formaður þingflokksins.

Róbert var ráðinn upplýsingafulltrúi ríkisstjórnarinnar í mars 2020, fyrst til þriggja mánaða. Þar áður hafði hann starfað við fjallaleiðsögn, þjálfun og útivist. Á árum áður starfaði hann um árabil við fjölmiðla og var aðstoðarmaður samgönguráðherra áður en hann settist á þing árið 2009.

Vinstri græn tryggðu sér fimm þingmenn í Reykjavíkurkjördæminum tveimur í síðustu kosningum – Katrínu Jakobsdóttur, Svandísi Svavarsdóttur, Kolbein Óttarsson Proppé, Steinunni Þóru Árnadóttur og Andrés Inga Jónsson. Andrés Ingi hefur síðan sagt skilið við þingflokkinn.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×