Loforð um að ljúga aldrei entist ekki lengi Samúel Karl Ólason skrifar 2. maí 2020 21:40 Kayleigh McEnany á sínum fyrsta blaðamannafundi og fyrsta slíka fundi í 417 daga. AP/Evan Vucci Fyrsti opinberi blaðamannafundur upplýsingafulltrúa Hvíta hússins í 417 daga byrjaði á því að Kayleigh McEnany, sem er ný í starfi, hét því að ljúga ekki að blaðamönnum. Hún sagðist aldrei ætla að gera það og bætti við: „Ég lofa ykkur því“. Það loforð entist þó ekki lengi. McEnany er fjórði upplýsingafulltrúi Hvíta hússins á rétt rúmum þremur árum. Forveri hennar, Stephanie Grisham, hélt ekki einn blaðamannafund á sínum níu mánuðum í starfi. Sarah Huckabee Sanders, sem var upplýsingafulltrúi Hvíta hússins frá júlí 2017 til júlí 2019, sagði ítrekað ósatt og reifst iðulega við blaðamenn. Sean Spicer, fyrsti upplýsingafulltrúi Hvíta hússins í forsetatíð Donald Trump, byrjaði feril sinn eins og frægt er á því að halda því fram að embættistaka Trump hefði verið „sú fjölmennasta í sögunni, punktur“, þrátt fyrir að það væri fjarri lagi. Á sínum fyrsta fundi sagði McEnany ítrekað ósatt. Meðal annars laug hún um glósur starfsmanna Alríkislögreglu Bandaríkjanna (FBI) sem yfirheyrðu Michael Flynn, fyrrverandi hershöfðingja og þjóðaröryggissráðgjafa Trump. Flynn játaði í desember 2017 að hafa logið að rannsakendum FBI um fundi hans með Sergei Kislyak, sendiherra Rússlands í Bandaríkjunum, og sagðist hann þá vera meðvitaður um að það væri glæpur. Trump hafði þá rekið hann eftir um mánuði í starfi fyrir að segja embættismönnum og Mike Pence, varaforseta, ósatt um þessa fundi. Reynir að fá játningu snúið Flynn er nú að reyna að fá játningu sinni snúið við og meðal gagna í því máli eru áðurnefndar glósur rannsakenda FBI. McEnany vísaði til þeirra glósa á blaðamannafundinum í gær og laug um í hvað þeim stóð. Hún sagði að þar hafa staðið: „Við þurfum að fá Flynn til að ljúga“ og „fá hann rekinn“. Hið rétta er að í glósunum, sem voru skrifaðar fyrir yfirheyrsluna, stóð: „Hvað er markmið okkar? Játning eða að fá hann til að segja ósatt svo við getum ákært hann eða fengið hann rekinn?“ Á þeim tímapunkti höfðu rannsakendurnir lesið eftirrit af símtali Flynn og Kysliak, sem var ekki í takt við ummæli aðila eins og Pence um að Flynn hefði aldrei rætt viðskiptaþvinganir gegn Rússum við rússneska embættismenn. Þessar tilteknu spurningar um markmið rannsakendanna eru þar á auki meðal mergra glósa sem hafa verið opinberaðar. Samkvæmt greiningu CNN buðu rannsakendurnir Flynn til að mynda böguleika á því að breyta yfirlýsingu sinni svo hann gæti komist hjá ákæru. Þegar Flynn játaði að hafa logið sagði hann sömuleiðis að rannsakendur FBI hafi ekki brotið á réttindum hans eins og Trump og bandamenn hans halda ítrekað fram um þessar mundir. Michael FlynnEPA/Erik S. Lesser Dómari sem hefur skoðað mál Flynn og innri rannsakandi Dómsmálaráðuneytis Bandaríkjanna segja tilefni hafa verið til að hefja rannsóknina gegn hershöfðingjanum fyrrverandi. Sagði ósatt um Rússarannsóknina McEnany ræddi einnig Rússarannsóknina svokölluðu í samhengi við mál Flynn. Hún hélt því fram að sú rannsókn Robert Mueller, sérstaks saksóknara Dómsmálaráðuneytisins, hafi kostað 40 milljónir dala. Þar að auki sagði McEnany að rannsóknin hafi af fullu hreinsað Trump af öllum ásökunum. Í fyrsta lagi, þá kostaði rannsóknin 32 milljónir dala. Í skýrslu Mueller kemur fram að rannsakendur hans hafi ekki fundið sannanir fyrir því að framboð Trump hafi átt samráð við Rússa varðandi afskipti þeirra af forsetakosningunum 2016. Hins vegar voru lögð fram rök fyrir því í skýrslunni að Trump hafi staðið í vegi réttvísinnar. Þá kom fram þar að vegna stefnu Dómsmálráðuneytisins um að ekki væri hægt að ákæra sitjandi forseta, vildi Mueller ekki leggja mat á það hvort Trump hafi framið glæp. Í skýrslu stóð að þó ekki væri komist að þeirri niðurstöðu, hreinsaði rannsóknin forsetann heldur ekki af sök. Mueller sjálfur ítrekaði það á fundi dómsmálanefndar fulltrúadeildarinnar í fyrra. Sagði kosningasigur hreinsa forsetann Þegar McEnany var spurð út í ásökun um kynferðisofbeldi gegn Joe Biden og sömuleiðis þær fjölmörgu ásakanir sem hafa verið lagðar fram gegn Donald Trump, brást hún reið við. „Auðvitað munu fjölmiðlar taka mál sem snýr að fyrrverandi varaforseta og snúa því gegn forsetanum og rifja upp fjögurra ára gamlar ásakanir sem búið er að svara í kosningum íbúa Bandaríkjanna," sagði hún. Það er ýmislegt rangt við þessa setningu. Meðal annars það að ein alvarlegasta ásökunin gegn Trump var lögð fram í fyrra. Blaðakonan E. Jean Carroll sakaði hann um nauðgun. Heilt yfir hafa minnst tuttugu konur sakað Trump um kynferðislegt ofbeldi og hann segir þær allar vera að ljúga. Þá hefur Trump haldið því fram að það að hann hafi unnið forsetakosningarnar 2016 fríi hann af allri sök, eins og McEnany virtist gera í gær. Dómskerfi Bandaríkjanna virkar alls ekki á þann hátt, eins og bent er á í umfjöllun Washington Post. Umdeild yfirlýsing um öndunarvélar McEnany hélt því fram á fundinum í gær að enginn hafi dáið í Bandaríkjunum vegna skorts á öndunarvélum, sem eru mikilvægar fyrir fólk sem er alvarlega veikt vegna Covid-19. Trump sjálfur hefur líka haldið þessu fram. Mjög erfitt er að sannreyna þessa staðhæfingu og er alfarið óljóst hvaðan McEnany hefur hana. Minnst 66.045 Bandaríkjamenn hafa dáið úr Covid-19 og til þess að sannreyna það að enginn þeirra hafi ekki geta fengið öndurnarvél vegna skorts þyrfti að skoða hvert einasta sjúkrahús þar sem einhver hefur dáið. Í umfjöllun Washington Post er vísað til frétta annara miðla um að læknar hafi þurft að velja á milli sjúklinga, hver þeirra fengi aðgang að öndunarvél og hver ekki. Það er ef til vill ekki hægt að segja að að McEnany hafi sagt ósatt um það að enginn sem hafi dáið vegna Covid-19 hafi ekki fengið aðgang að öndunarvél, hafi sá þurft þess. Hins vegar er nokkuð ljóst að nánast ómögulegt er fyrir hana að vita það að svo stöddu. Ætla ekki að halda reglulega fundi Ekki er útlit fyrir að McEnany muni halda reglulega blaðamannafundi en heimildarmenn fjölmiðla ytra segja það ekki standa til. New York Times segir þó að Trump hafi verið að kvarta yfir því að hans fólk sé ekki nógu áberandi í því að verja hann og ríkisstjórn hans þessa dagana. Bandaríkin Donald Trump Rússarannsóknin Faraldur kórónuveiru (COVID-19) Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Þrjátíu ár fyrir árásina á mann þingforsetans Erlent Heyrði mikla skruðninga í Hítárdal fyrir miðnætti á föstudag Innlent Veiðiþjófar stálu frá barni við Hítarvatn Innlent Dregur saman með efstu frambjóðendum Innlent Ætlar alla leið í baráttu fyrir nafninu sínu Innlent Fresta íbúakosningu í Ölfusi um mölunarverksmiðju Innlent „Nú á dögunum tók sonur minn líf sitt innan veggja fangelsisins“ Innlent Útgjöld ríkissjóðs vegna Grindavíkur hátt í hundrað milljarðar Innlent Látin móðir ekki dæmd í tugmilljóna lyfjasölumáli sonarins Innlent Lífleg og skrautleg kosningabarátta að mati forsætisráðherra Innlent Fleiri fréttir Þrjátíu ár fyrir árásina á mann þingforsetans Segir Rússa ekki hafa í hyggju að taka Kharkív Viðtal á Stöð 2 kveikir upp í færeyskum stjórnmálum Reyndi að kveikja í bænahúsi gyðinga og var skotinn til bana Spánverjar neita skipi með vopn innanborðs um að leggja að bryggju „Einfari“ ákærður fyrir tilræðið við Fico Hver er Robert Fico? Neyðarástandi lýst yfir á Nýju-Kaledóníu eftir miklar óeirðir Ágreiningur innan stjórnarinnar brýst upp á yfirborðið Hægriflokkar ná saman um myndun ríkisstjórnar Samið um kappræður í júní og september Fico ekki talinn í lífshættu Þróun ES-30 flugvélarinnar flutt frá Svíþjóð til Kaliforníu Þetta er vitað um árásarmanninn Biden skorar á Trump Forsætisráðherra Slóvakíu í lífshættu eftir skotárás Þverpólitískar tillögur um viðbrögð vegna gervigreindar FIFA byrjað að vinda ofan af umbótum eftir spillingarhneykslið Fulltrúar Talíbana á ráðstefnu í Ósló Fyrsta opinbera málverkið af konunginum Karli III afhjúpað í gær Gróðureldar ógna olíuvinnslumiðstöð í Kanada Gríðarleg leit gerð að mönnum sem frelsuðu fanga í Frakklandi Skriðdrekar Ísraelshers komnir inn í íbúðahverfi í Rafah Framámaður AfD sektaður fyrir að nota slagorð nasista Vill bjóða NATO að byggja nýjan flugvöll í Færeyjum Þorir að veðja bjór á að hún verði áfram forsætisráðherra Lokað á grein um barnadráp í Bretlandi Drápu fangaverði og hjálpuðu fanga að strjúka „Rússnesku lögin“ samþykkt í Georgíu Bendlaði Trump beint við þagnargreiðslurnar Sjá meira
Fyrsti opinberi blaðamannafundur upplýsingafulltrúa Hvíta hússins í 417 daga byrjaði á því að Kayleigh McEnany, sem er ný í starfi, hét því að ljúga ekki að blaðamönnum. Hún sagðist aldrei ætla að gera það og bætti við: „Ég lofa ykkur því“. Það loforð entist þó ekki lengi. McEnany er fjórði upplýsingafulltrúi Hvíta hússins á rétt rúmum þremur árum. Forveri hennar, Stephanie Grisham, hélt ekki einn blaðamannafund á sínum níu mánuðum í starfi. Sarah Huckabee Sanders, sem var upplýsingafulltrúi Hvíta hússins frá júlí 2017 til júlí 2019, sagði ítrekað ósatt og reifst iðulega við blaðamenn. Sean Spicer, fyrsti upplýsingafulltrúi Hvíta hússins í forsetatíð Donald Trump, byrjaði feril sinn eins og frægt er á því að halda því fram að embættistaka Trump hefði verið „sú fjölmennasta í sögunni, punktur“, þrátt fyrir að það væri fjarri lagi. Á sínum fyrsta fundi sagði McEnany ítrekað ósatt. Meðal annars laug hún um glósur starfsmanna Alríkislögreglu Bandaríkjanna (FBI) sem yfirheyrðu Michael Flynn, fyrrverandi hershöfðingja og þjóðaröryggissráðgjafa Trump. Flynn játaði í desember 2017 að hafa logið að rannsakendum FBI um fundi hans með Sergei Kislyak, sendiherra Rússlands í Bandaríkjunum, og sagðist hann þá vera meðvitaður um að það væri glæpur. Trump hafði þá rekið hann eftir um mánuði í starfi fyrir að segja embættismönnum og Mike Pence, varaforseta, ósatt um þessa fundi. Reynir að fá játningu snúið Flynn er nú að reyna að fá játningu sinni snúið við og meðal gagna í því máli eru áðurnefndar glósur rannsakenda FBI. McEnany vísaði til þeirra glósa á blaðamannafundinum í gær og laug um í hvað þeim stóð. Hún sagði að þar hafa staðið: „Við þurfum að fá Flynn til að ljúga“ og „fá hann rekinn“. Hið rétta er að í glósunum, sem voru skrifaðar fyrir yfirheyrsluna, stóð: „Hvað er markmið okkar? Játning eða að fá hann til að segja ósatt svo við getum ákært hann eða fengið hann rekinn?“ Á þeim tímapunkti höfðu rannsakendurnir lesið eftirrit af símtali Flynn og Kysliak, sem var ekki í takt við ummæli aðila eins og Pence um að Flynn hefði aldrei rætt viðskiptaþvinganir gegn Rússum við rússneska embættismenn. Þessar tilteknu spurningar um markmið rannsakendanna eru þar á auki meðal mergra glósa sem hafa verið opinberaðar. Samkvæmt greiningu CNN buðu rannsakendurnir Flynn til að mynda böguleika á því að breyta yfirlýsingu sinni svo hann gæti komist hjá ákæru. Þegar Flynn játaði að hafa logið sagði hann sömuleiðis að rannsakendur FBI hafi ekki brotið á réttindum hans eins og Trump og bandamenn hans halda ítrekað fram um þessar mundir. Michael FlynnEPA/Erik S. Lesser Dómari sem hefur skoðað mál Flynn og innri rannsakandi Dómsmálaráðuneytis Bandaríkjanna segja tilefni hafa verið til að hefja rannsóknina gegn hershöfðingjanum fyrrverandi. Sagði ósatt um Rússarannsóknina McEnany ræddi einnig Rússarannsóknina svokölluðu í samhengi við mál Flynn. Hún hélt því fram að sú rannsókn Robert Mueller, sérstaks saksóknara Dómsmálaráðuneytisins, hafi kostað 40 milljónir dala. Þar að auki sagði McEnany að rannsóknin hafi af fullu hreinsað Trump af öllum ásökunum. Í fyrsta lagi, þá kostaði rannsóknin 32 milljónir dala. Í skýrslu Mueller kemur fram að rannsakendur hans hafi ekki fundið sannanir fyrir því að framboð Trump hafi átt samráð við Rússa varðandi afskipti þeirra af forsetakosningunum 2016. Hins vegar voru lögð fram rök fyrir því í skýrslunni að Trump hafi staðið í vegi réttvísinnar. Þá kom fram þar að vegna stefnu Dómsmálráðuneytisins um að ekki væri hægt að ákæra sitjandi forseta, vildi Mueller ekki leggja mat á það hvort Trump hafi framið glæp. Í skýrslu stóð að þó ekki væri komist að þeirri niðurstöðu, hreinsaði rannsóknin forsetann heldur ekki af sök. Mueller sjálfur ítrekaði það á fundi dómsmálanefndar fulltrúadeildarinnar í fyrra. Sagði kosningasigur hreinsa forsetann Þegar McEnany var spurð út í ásökun um kynferðisofbeldi gegn Joe Biden og sömuleiðis þær fjölmörgu ásakanir sem hafa verið lagðar fram gegn Donald Trump, brást hún reið við. „Auðvitað munu fjölmiðlar taka mál sem snýr að fyrrverandi varaforseta og snúa því gegn forsetanum og rifja upp fjögurra ára gamlar ásakanir sem búið er að svara í kosningum íbúa Bandaríkjanna," sagði hún. Það er ýmislegt rangt við þessa setningu. Meðal annars það að ein alvarlegasta ásökunin gegn Trump var lögð fram í fyrra. Blaðakonan E. Jean Carroll sakaði hann um nauðgun. Heilt yfir hafa minnst tuttugu konur sakað Trump um kynferðislegt ofbeldi og hann segir þær allar vera að ljúga. Þá hefur Trump haldið því fram að það að hann hafi unnið forsetakosningarnar 2016 fríi hann af allri sök, eins og McEnany virtist gera í gær. Dómskerfi Bandaríkjanna virkar alls ekki á þann hátt, eins og bent er á í umfjöllun Washington Post. Umdeild yfirlýsing um öndunarvélar McEnany hélt því fram á fundinum í gær að enginn hafi dáið í Bandaríkjunum vegna skorts á öndunarvélum, sem eru mikilvægar fyrir fólk sem er alvarlega veikt vegna Covid-19. Trump sjálfur hefur líka haldið þessu fram. Mjög erfitt er að sannreyna þessa staðhæfingu og er alfarið óljóst hvaðan McEnany hefur hana. Minnst 66.045 Bandaríkjamenn hafa dáið úr Covid-19 og til þess að sannreyna það að enginn þeirra hafi ekki geta fengið öndurnarvél vegna skorts þyrfti að skoða hvert einasta sjúkrahús þar sem einhver hefur dáið. Í umfjöllun Washington Post er vísað til frétta annara miðla um að læknar hafi þurft að velja á milli sjúklinga, hver þeirra fengi aðgang að öndunarvél og hver ekki. Það er ef til vill ekki hægt að segja að að McEnany hafi sagt ósatt um það að enginn sem hafi dáið vegna Covid-19 hafi ekki fengið aðgang að öndunarvél, hafi sá þurft þess. Hins vegar er nokkuð ljóst að nánast ómögulegt er fyrir hana að vita það að svo stöddu. Ætla ekki að halda reglulega fundi Ekki er útlit fyrir að McEnany muni halda reglulega blaðamannafundi en heimildarmenn fjölmiðla ytra segja það ekki standa til. New York Times segir þó að Trump hafi verið að kvarta yfir því að hans fólk sé ekki nógu áberandi í því að verja hann og ríkisstjórn hans þessa dagana.
Bandaríkin Donald Trump Rússarannsóknin Faraldur kórónuveiru (COVID-19) Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Þrjátíu ár fyrir árásina á mann þingforsetans Erlent Heyrði mikla skruðninga í Hítárdal fyrir miðnætti á föstudag Innlent Veiðiþjófar stálu frá barni við Hítarvatn Innlent Dregur saman með efstu frambjóðendum Innlent Ætlar alla leið í baráttu fyrir nafninu sínu Innlent Fresta íbúakosningu í Ölfusi um mölunarverksmiðju Innlent „Nú á dögunum tók sonur minn líf sitt innan veggja fangelsisins“ Innlent Útgjöld ríkissjóðs vegna Grindavíkur hátt í hundrað milljarðar Innlent Látin móðir ekki dæmd í tugmilljóna lyfjasölumáli sonarins Innlent Lífleg og skrautleg kosningabarátta að mati forsætisráðherra Innlent Fleiri fréttir Þrjátíu ár fyrir árásina á mann þingforsetans Segir Rússa ekki hafa í hyggju að taka Kharkív Viðtal á Stöð 2 kveikir upp í færeyskum stjórnmálum Reyndi að kveikja í bænahúsi gyðinga og var skotinn til bana Spánverjar neita skipi með vopn innanborðs um að leggja að bryggju „Einfari“ ákærður fyrir tilræðið við Fico Hver er Robert Fico? Neyðarástandi lýst yfir á Nýju-Kaledóníu eftir miklar óeirðir Ágreiningur innan stjórnarinnar brýst upp á yfirborðið Hægriflokkar ná saman um myndun ríkisstjórnar Samið um kappræður í júní og september Fico ekki talinn í lífshættu Þróun ES-30 flugvélarinnar flutt frá Svíþjóð til Kaliforníu Þetta er vitað um árásarmanninn Biden skorar á Trump Forsætisráðherra Slóvakíu í lífshættu eftir skotárás Þverpólitískar tillögur um viðbrögð vegna gervigreindar FIFA byrjað að vinda ofan af umbótum eftir spillingarhneykslið Fulltrúar Talíbana á ráðstefnu í Ósló Fyrsta opinbera málverkið af konunginum Karli III afhjúpað í gær Gróðureldar ógna olíuvinnslumiðstöð í Kanada Gríðarleg leit gerð að mönnum sem frelsuðu fanga í Frakklandi Skriðdrekar Ísraelshers komnir inn í íbúðahverfi í Rafah Framámaður AfD sektaður fyrir að nota slagorð nasista Vill bjóða NATO að byggja nýjan flugvöll í Færeyjum Þorir að veðja bjór á að hún verði áfram forsætisráðherra Lokað á grein um barnadráp í Bretlandi Drápu fangaverði og hjálpuðu fanga að strjúka „Rússnesku lögin“ samþykkt í Georgíu Bendlaði Trump beint við þagnargreiðslurnar Sjá meira