Ölfusárbrú við Selfoss var lokað frá klukkan níu í gærkvöldi og fram undir klukkan tvö í nótt vegna vinnu við hringtorgið við annan brúarsporðinn og malbikunarframkvæmda í miðbæ Selfoss.
Umferð á meðan var beint um Óseyrarbrú vestan Eyrarbakka og Iðubrú við Laugarás í Biskupstungum. Að sögn lögreglu á Selfossi er ekki vitað til að vandræði hlytust af, enda var búið að kynna lokunina með góðum fyrirvara.
