Elvar fór á kostum í sigri toppliðsins

Borås er á toppi sænsku úrvalsdeildarinnar en liðið vann í kvöld þrettán stiga sigur á Norrköping, 93-80.

Jafnræði var með liðunum í fyrri hálfleik. Staðan jöfn 22-22 eftir fyrsta leikhluta og Borås leiddi með þremur stigum í hálfleik.

Það var hins vegar magnaður þriðji leikhluti sem lagði grunninn að sigri Borås. Þeir unnu hann 28-15 og leikinn að lokum 93-80.

Elvar Már Friðriksson var stigahæsti leikmaður vallarins með 25 stig. Að auki gaf hann sjö stoðsendingar og tók tvö fráköst en Njarðvíkingurinn verið magnaður í sumar.

Ledning för Borås i halvtid i Stadium Arena och det finns utrymme att bli bättre i andra halvlek @609.se  pic.twitter.com/BUEh9r4Fqx

— Borås Basket SBL (@BorasBasket) January 28, 2020

Borås er á toppi deildarinnar með 44 stig. Liðið með átta stiga forskot en Norrköping er í 7. sætinu með 18 stig.