Innlent

Innkalla lasagna sem málmbiti fannst í

Kjartan Kjartansson skrifar
Amy's Kitchen grænmetislasagna. Aðskotahlutur fannst í vörunni sem var innkölluð í kjölfarið.
Amy's Kitchen grænmetislasagna. Aðskotahlutur fannst í vörunni sem var innkölluð í kjölfarið. Matvælastofnun

Innflytjandi grænmetislasagna hefur innkallað vöruna vegna þess að málmbiti fannst í henni. Matvælastofnun varar við neyslu á grænmetislasagna frá Amy‘s Kitchen og hvetur neytendur sem eiga slíka vöru að neyta hennar ekki og farga henni.

Grænmetislasagnainu var dreift í verslanir Hagkaupa, Heimkaupa, Fjarðarkaupa, Melabúðina og verslanir Nettó. Einstök matvæli ehf., sem flytur vöruna inna, hefur innkallað hana í samráði við Heilbrigðiseftirlit Reykjavíkur, að því er segir í tilkynningu frá Matvælastofnun.

Stofnunin segist ekki hafa upplýsingar um að neysla á vörunni hafi valdið neytendum skaða.

Innköllunin á við eftirfarandi framleiðslulotu:

• Vörumerki: Amy's Kitchen

• Vöruheiti: Vegetable Lasagne – Gluten Free

• Nettómagn: 255 g

• Strikanúmer: 0042272003747

• Lotunúmer: 30-K269

• Best fyrir lok: Nóvember 2021

Innköllun
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið