Menning

„Eins og að vera einn í heiminum“

Síðustu mánuði hefur ljósmyndarinn Ragnar Axelsson myndað lífið á Íslandi á tímum Covid-19 og skrásett áhrifin á okkar samfélag. Hér á Vísi munu birtast nokkrir myndaþættir með einstökum ljósmyndum RAX frá þessu óvenjulega og erfiða ári. Þetta er sá fyrsti í röðinni.

Sylvía Rut Sigfúsdóttir skrifar
„Ég mætti fjórum bílum og sá tvo menn þar sem venjulega er allt troðfullt af fólki í hringferð sem tók tvo daga,“ segir Ragnar Axelsson. RAX

Síðustu mánuði hefur ljósmyndarinn Ragnar Axelsson myndað lífið á Íslandi á tímum Covid-19 og skrásett áhrifin á okkar samfélag. Hér á Vísi munu birtast nokkrir myndaþættir með einstökum ljósmyndum RAX frá þessu óvenjulega og erfiða ári. Þetta er sá fyrsti í röðinni.

„Ég mætti fjórum bílum og sá tvo menn þar sem venjulega er allt troðfullt af fólki í hringferð sem tók tvo daga. Það var eins og að vera einn í heiminum. Hvar eru allir sem eiga heima á jörðinni? En ballið var rétt að byrja, það kemur í næstu seríum,“ segir RAX um hringferðina sem hann fór í þegar faraldurinn var að hefja útbreiðslu sína á Íslandi.

Myndirnar hér fyrir neðan frá þessu sérstaka ferðalagi sýna fyrstu bylgjuna, þegar allt stöðvaðist og enginn vissi hvernig framhaldið yrði eða hvernig þessi vágestur ætti eftir að þróast.

RAX segir að það hafi verið svolítið eins og það væri verið að gera árás á Ísland, þar sem brimið skellur á ströndinni við Dyrhólaey. Myndin var tekin þegar fyrstu Covid-19 smitin höfðu greinst hér á landi.Vísir/RAX
Áhyggjufullt andlit við gluggann. Óvissan mikil.Vísir/RAX
Fuglarnir eru svolítið eins og í Hitchcock mynd, Tákn um ákveðna ógn sem liggur í loftinu.Vísir/RAX
Einn af fyrstu blaðamannafundunum, fáir gerðu sér grein fyrir því þá hvað þeir áttu eftir að verða margir.Vísir/RAX
Skimun vegna Covid-19. Vísir/RAX
Flugvélarnar allar stopp og samfélagið skyndilega breytt.Vísir/RAX
Vísir/RAX
Tíminn stendur nánast í stað.Vísir/RAX
Enginn á ferð, táknrænt fyrir samkomubannið, þar sem fólk var hvatt til að fara ekki í ferðalög að ástæðulausu.Vísir/RAX
Snjóugir úti í haga.Vísir/RAX
Hestarnir í haganum höfðu litlar áhyggjur af Covid-19.Vísir/RAX
Selur á ísnum. Flestir sem RAX hitti á hringferð sinni komu úr dýraríkinu enda fáir á ferli.Vísir/RAX
Vísir/RAX
vísir/Rax
Vísir/RAX
Vegir í öræfunum auðir. Bílljósin í fjarska voru frá síðasta bílnum sem RAX mætti á hringferðinni.Vísir/RAX
Einn bíll á ferð um Reykjavík. Hvert fóru allir? Vísir/RAX
En það birtir alltaf aftur til.Vísir/RAX

Alla sunnud aga birtist nýr þáttur af RAX Augnablik hér á Vísi. Í þáttunum fer ljósmyndarinn yfir sögurnar á bakvið myndirnar sem hann hefur tekið á ferlinum, fólkið sem hann hitti og allar ævintýralegu aðstæðurnar sem hann hefur lent í.  Hægt er að sjá alla þættina á Stöð 2 Maraþon og hér á Vísi




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.