Golf

Geta fagnað tveimur sigrum í lokamóti ársins

Óskar Ófeigur Jónsson skrifar
Jin Young Ko endaði tímabilið frábærlega á lokamótinu í fyrra og þurfti hjálp til að halda á öllum verðlaununum sínum eftir að hafa unnið Group Tour Championship mótið og tryggt sér titilinn kylfingur ársins.
Jin Young Ko endaði tímabilið frábærlega á lokamótinu í fyrra og þurfti hjálp til að halda á öllum verðlaununum sínum eftir að hafa unnið Group Tour Championship mótið og tryggt sér titilinn kylfingur ársins. Getty/Sam Greenwood

Lokamót ársins á LPGA mótaröðinni í golfi hefst í dag en það verður ekki aðeins keppt um sigur á mótinu heldur einnig um það að verða kylfingur ársins.

Það er stórt stórra högga á milli í kvennagolfinu því aðeins þremur dögum eftir hið æsispennandi opna bandaríska meistaramót er komið að öðru stóru móti.

Bestu kvenkylfingar heimsins enda árið með keppni á Group Tour Championship mótinu á næstu dögum en fyrsti keppnisdagurinn er í dag. Á mótinu keppa þeir kylfingar sem hafa náð bestum árangri á árinu og sigurvegarinn fær eina og hálfa milljón Bandaríkjadala eða meira en 190 milljónir íslenskra króna.

Mótið verður sýnt beint á Stöð 2 Golf stöðinni en útsendingin hefst klukkan 18.00. Mótið er spilað hjá Tiburón golfklúbbnum í Naples á Flórída.

Það verður örugglega mikil athygli á einum ákveðnum ráshópi á þessu móti en þar spila tvær öflugar konur sem eiga möguleika að fagna tveimur sigrum í lokamóti ársins.

Suður-kóresku kylfingarnir Inbee Park og Sei Young Kim munu ekki aðeins keppa um sigurinn á CME Group Tour Championship mótinu á næstu dögum því gengi þeirra þar mun ráða því hvor þeirra veður Rolex kylfingur ársins.

Inbee Park vann sitt síðasta mót í febrúar eða fyrir kórónuveirufaraldurinn en hún er samt sem áður efst á stigalistanum í baráttunni um CME Globe verðlaunin.

Park hefur ekki unnið mótin en hún hefur sýnt mikinn stöðugleika með því að komast sjö sinnum á topp tíu á mótum ársins. Park átti líka flottan lokahring á opna bandaríska á mánudaginn sem kom henni upp í sjötta sætið.

Park er með sex stiga forskot á löndu sína Sei Young Kim. Sei Young Kim vann vann PGA-risamótið í október og Pelíkanmótið strax á eftir.

Árangur þeirra á Group Tour Championship mótinu mun ráða því hvor endar ofar í baráttunni um að verða besti Rolex kylfingur ársins.

Kim má ekki enda neðar en í fimmta sætið ætli hún að ná Park en það eru einnig möguleiki á að þær endi jafnar og deili verðlaunum.

Þær yrðu þannig jafnar ef Kim yrði í öðru sæti og Park í því fimmta. Alveg eins ef Park yrði áttunda en Kim tæki þriðja sætið og eða Park verður í tíunda sæti og Kim endar í því fjórða.

Danielle Kang á reyndar líka möguleika en hún er í þriðja sæti á stigalistanum, 25 stigum á eftir Park. Kang tæki titilinn kylfingur ársins ef hún nær að vinna lokamótið á sama tíma og Kim enda í þriðja sætið eða neðar og Park endar í sjötta sæti eða neðar.

Inbee Park hefur unnið þennan titil áður en það gerði hún árið 2013.


Öll stærstu golfmótin eru á Stöð 2 Golf en upplýsingar um útsendingar má finna hér. Stöð 2 Golf kostar 3.990 krónur á mánuði en er einnig hluti af Sportpakkanum. Helgarpassa að Stöð 2 Golf má kaupa á kerfum Vodafone.





Fleiri fréttir

Sjá meira


×