Svo virðist sem ákveðið hafi verið að fresta fyrirhugaðri niðurfellingu ívilnunar sem tengiltvinnbílar hafa notið hér á landi í formi lækkaðs virðisaukaskatts.
Úrræðinu var ætlað að vera hvetjandi fyrir bílkaupendur að kaupa umhverfisvænni bíla en nú átti það að falla niður til að fá fólk frekar til að kaupa hreina rafmagnsbíla, en tengiltvinnbílar eru bæði með rafmagns og bensínmótor.
Samkvæmt heimildum Morgunblaðsins hefur verið ákveðið að fresta málinu en um áramótin átti ívilnunin að lækka og hverfa síðan með öllu 2023. Eins og reglur eru í dag getur slík ívilnun numið mest 960 þúsund krónum.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
Fleiri fréttir
Sjá meira
