Innlent

Tryggvagata opnuð á ný

Hallgerður Kolbrún E. Jónsdóttir skrifar
Tryggvagata var í dag malbikuð.
Tryggvagata var í dag malbikuð. Reykjavíkurborg

Tryggvagata verður opin fyrir allri umferð frá og með mánudeginum 14. desember næstkomandi. Framkvæmdir á svæðinu hafa staðið yfir í nokkurn tíma en er nú verið að búa um framkvæmdasvæðið við Tryggvagötu frá Pósthússtræti, um Naustin og fram hjá Listasafni Reykjavíkur.

Framkvæmdir við götuna munu halda áfram í vor og verður Naustin endurgerð milli Tryggvagötu og Geirsgötu þá. Í ár var unnið í áfanganum frá Pósthússtræti að Naustum ásamt Naustunum norðanmegin. Árið 2021 verður sá áfangi kláraður ásamt síðasta áfanganum, Tryggvagötu frá Naustum að Grófinni.

Tryggvagata var í dag malbikuð og verður hún opnuð frá Lækjargötu að Pósthússtræti eftir helgi. Fram kemur í tilkynningu frá Reykjavíkurborg að búið verði þannig um svæðið að allir sem eiga leið um svæðið, hvort sem þeir eru á bílum, hjólum eða gangandi eigi að komast þar um vandræðalaust.

Verkið lengdist eftir að í ljós kom að endurnýja þurfti lagnir og brunna við Bæjartorg og meira var að gera hjá fornleifafræðingum á svæðinu en búist var við. Meðal annars þurfti að endurnýja meira en hundrað ára gamlar lagnir sem voru enn á svæðinu.

Reykjavík Samgöngur
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið