Innlent

Vængbrotinn svanur handsamaður af lögreglu

Tryggvi Páll Tryggvason skrifar
Lögreglan á höfuðborgarsvæðinu hefur haft í ýmis horn að líta í kvöld.
Lögreglan á höfuðborgarsvæðinu hefur haft í ýmis horn að líta í kvöld. Vísir/Vilhelm

Lögreglan á höfuðborgarsvæðinu „handsamaði“ svan í dag, líkt og það er orðað í dagbókarfærslu lögreglunnar. Svanurinn reyndist vængbrotinn eftir að ekið hafði verið á hann.

Svaninum var komið til dýralæknis til frekari aðhlynningar. Lögregla hefur haft í ýmis horn að líta í dag en rétt eftir klukkan sex í kvöld var karlmaður handtekinn vegna gruns um sölu og dreifingu fíkniefna og fyrir brot á vopnalögum en hann var með hníf meðferðis. Karlmaðurinn er í haldi lögreglu vegna rannsóknar málsins.

Skömmu síðar var ekið á ungan dreng þar sem hann teymdi reiðhjól sitt eftir gangstétt í Dalsmára í Kópavogi. Lögreglan hefur ekki náð tali af ökumanni enn en þó er vitað hver hann er. Drengurinn er ekki talinn vera meiddur.

Þá segir einnig að nokkuð hafi verið um aðstoðarbeiðnir til lögreglu seinnipartinn í dag og fram á kvöld svo sem vegna vegna veikinda, ölvunarástands, grunsamlegra mannaferða og ónæðis, svo dæmi séu tekin.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×