Telja að eldurinn hafi kviknað út frá rafmagni

Kristín Ólafsdóttir skrifar 21. október 2020 11:49

Húsið gjöreyðilagðist í brunanum. Vísir/Egill

Allt bendir til þess að eldurinn sem kviknaði í íbúðarhúsi í uppsveitum Borgarfjarðar á sunnudag hafi kviknað út frá rafmagni. Kona á áttræðisaldri lést í eldsvoðanum.

Allt tiltækt lið Slökkviliðs Borgarfjarðar var kallað út að Augastöðum í Hálsasveit skömmu fyrir klukkan sex á sunnudag. Aðstæður til slökkvistarfs voru erfiðar en húsið var alelda þegar slökkviliðsmenn komu á staðinn.

Jón Ólason yfirlögregluþjónn hjá lögreglunni á Vesturlandi segir í samtali við Vísi að rannsóknin á brunanum, sem lögregla á Vesturlandi og tæknideild lögreglu á höfuðborgarsvæðinu fara með, sé enn í gangi.

„En þeir telja sig vita með nokkurri vissu að þetta sé út frá rafmagni,“ segir Jón. Nokkur heimilistæki úr húsinu eru nú til rannsóknar með tilliti til þessa. „Það er verið að fara yfir tækin og sjá hvað það var sem olli þessum bruna.“

Vettvangsrannsókn lögreglu er nú lokið, að sögn Jóns. Íbúðarhúsið gjöreyðilagðist í brunanum.

Slökkvilið Borgarbyggð

Tengdar fréttir

Húsið í Borgarfirði rústir einar

Húsið sem brann í eldsvoða í uppsveitum Borgarfjarðar í gærkvöldi er rústir einar.

19. október 2020 15:55

Lést í eldsvoðanum í Borgarfirði

Kona lést í eldsvoða í íbúðarhúsi í uppsveitum Borgarfjarðar í gær. Við komu slökkviliðs og lögreglu á vettvang var íbúðarhúsið alelda.

19. október 2020 09:43

Eldur í sveitabæ í Borgarfirði

Mikill eldur logar í íbúðarhúsi sveitabæjar í uppsveitum Borgarfjarðar.

18. október 2020 19:17

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.