Bílar

BMW kynnir nýjan heitan hlaðbak

Kristinn Ásgeir Gylfason skrifar
BMW 128ti.
BMW 128ti.

BMW hefur endurvakið Turismo Internazionale nafnið fyrir hinn nýja 128ti. Bíllinn er nýr heitur hlaðbakur (e. hot hatchback) sem er ætlað að keppa við Golf GTI og Ford Focus ST.

MBW 128ti, er fyrsti heiti hlaðbakurinn frá BMW sem er framhjóladrifinn. Þá er þetta í fyrsta skipti í yfir 20 ár sem BMW notar ti merkið (Turismo Internazionale). Bíllinn fer í sölu í nóvember á meginlandinu.

Vélasalurinn í 128ti.

Bíllinn verður 261 hestafl og verður um 6,1 sekúndu frá kyrrstöðu upp í 100 km/klst.

Bíllinn verður eingöngu fáanlegur með átta gíra sjálfskiptingu. Að sögn BMW bíður sjálfskiptingin upp á meiri hröðun en beinskipting gæti gert. Handskipting verður þó í flipum á bakvið stýrið. Þá mun fjöðrunin vera sérstaklega stillt M Sport fjöðrun sem er 10mm lægri en grunnbíllinn. Slíkt lækkar þyngdarpunkt bílsins og gerir hann skarpari í beygjum.

BMW vill lágmarka og jafnvel eyða stýristogi (e. torque steering) með því að setja sérstakan stýrisbúnað í bílinn ásamt tregðutengdu mismunadrifi. Það ætti að auka veggrip og stöðugleika í háhraða beygjum.

Innrarými BMW 128ti.

Útlit

Bíllinn verður með M Sport útliti hann verður því svipaður öðrum bílum í 1-línunni með M Sport útliti. BMW 128ti mun þó vera með rautt í kringum op á hlið á framstuðara og neðst í sílsum. Þannig verður hægt að þekkja bílinn frá örðum sambærilegum. Innra rýmið er líka hannað með áherslu á rauðan í saumum og lýsingu til að mynda.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.