Erlent

Kim Jong-un biður Suður-Kóreu afsökunar

Gunnar Reynir Valþórsson skrifar
Kim Jong-un segir að morðið á suður-kóreska embættismanninum hefði ekki átt að eiga sér stað.
Kim Jong-un segir að morðið á suður-kóreska embættismanninum hefði ekki átt að eiga sér stað. EPA/KCNA

Kim Jong-un leiðtogi Norður-Kóreu hefur beðið granna sína í suðri formlega afsökunar á drápinu á suður-kóreskum embættismanni á dögunum.

Kim sendi forseta Suður-Kóreu, Moon Jae-in, bréf þar sem segir að atvikið hefði ekki átt að eiga sér stað.

Suður-Kóreumaðurinn virðist hafa verið að reyna að flýja yfir til Norður-Kóreu þegar norðurkóreskir hermenn skutu á hann þar sem var á floti í sjónum undan ströndum landsins.

Mikil landamæragæsla er á landamærum landanna tveggja og segir sagan að nú um stundir hafi norðurkóreskir hermenn fengið skipun um að skjóta alla á færi sem reyna að komast inn í landið, til að sporna við útbreiðslu kórónuveirunnar.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.