Erlent

NASA leitar að fyrir­tækjum til að sækja tungl­grjót

Sylvía Hall skrifar
Jim Bridenstine segir segir stofnunina líta til Mars í framtíðinni. 
Jim Bridenstine segir segir stofnunina líta til Mars í framtíðinni.  Vísir/Getty

Geimvísindastofnun Bandaríkjanna, NASA, leitar nú að einkafyrirtæki til þess að fara til tunglsins og sækja jarðveg og tunglgrjót til frekari rannsókna. Stofnunin mun svo kaupa sýnin af þeim sem leggja í ferðalagið.

Guardian greinir frá því að stofnunin áætlar að kaupa fimmtíu til hundrað grömm af efninu fyrir 15 til 25 þúsund Bandaríkjadali, eða allt að 3,4 milljónir íslenskra króna. Jim Bridenstine, yfirmaður hjá NASA, segir það nýtast vel í tækniþróunarverkefni sem mun gera geimförum kleift að „lifa af landinu“ í framtíðarverkefnum í geimnum.

Þessi áform eru hluti af Artemis-verkefninu sem gengur út á það að senda menn til tunglsins fyrir árið 2024. Yfirvöld Bandaríkjanna hafa frá árinu 2017 ætlað að lenda mönnum aftur á tunglinu og fór ríkisstjórnin fram á auknar fjárveitingar til stofnunarinnar á síðasta ári.

Verkefnið ber heitið Artemis í höfuðið á grískri gyðju sem var systir guðsins Appolo. Artemis er einmitt gyðja tunglsins í grískri goðafræði.

Stefnan er þó ekki aðeins sett á tunglið, en Bridenstine segir stofnunina ætla að nýta lærdóminn af Artemis-verkefninu, taka „næsta risastóra stökk“ og senda geimfara til Mars.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.