Kvöldfréttir Stöðvar 2

Af ríflega hundrað börnum af erlendum uppruna sem dvalið hafa í Kvennaathvarfinu síðustu tvö ár hefur helmingur þeirra búið við líkamlegt ofbeldi á heimili sínu, flest þeirra alla sína ævi. Fjallað verður um málið í kvöldfréttum Stöðvar 2.

Þá verður rætt við heilbrigðis- og forsætisráðherra um takmarkanir á landamærum og mun Bjarnheiður Hallsdóttir, formaður Samtaka ferðaþjónustunnar, segja sína skoðun á málinu í beinni útsendingu. 

Þá verður rætt við skólastjóra barnanna frá Egyptalandi sem harmar ákvörðun stjórnvalda um að senda börnin úr landi.

Að auki verður rætt við menntamálaráðherra í fréttatímanum sem kynnir aðgerðir í næstu viku sem fela í sér greiðslur til tónlistarmanna og annarra listamanna sem hafa verið tekjulausir mánuðum saman án atvinnuleysisbóta.

Allt þetta og meira til á samtengdum rásum Stöðvar 2, Bylgjunnar og Vísis kl. 18:30