Handbolti

Sigurður fram­lengir við ÍR en lánaður til Kríu

Anton Ingi Leifsson skrifar
Sigurður í leik með ÍR síðasta vetur.
Sigurður í leik með ÍR síðasta vetur. vísir/bára

Fyrstu deildarlið Kríu í handbolta heldur áfram að safna liði fyrir komandi átök í vetur.

Kristján Orri Jóhannsson gekk í raðir liðsins frá ÍR í gær og nú hefur Sigurður Ingiberg Jónsson verið lánaður á Nesið.

Kría tekur þátt í 1. deildinni í fyrsta sinn í vetur en liðið spilar á Seltjarnanesi.

Samkvæmt heimildum Vísis hefur Sigurður framlengt samning sinn við ÍR og mun verða lánaður á næstu leiktíð til Kríu.

Sigurður hefur verið einn besti markvörður Olís-deildarinnar undanfarin ár en hann er uppalinn hjá FH.

Hann hefur einnig leikið með Val, Stjörnunni og ÍR.




Fleiri fréttir

Sjá meira


×