Körfubolti

KKÍ setur allt á ís í að minnsta kosti fjórar vikur

Anton Ingi Leifsson skrifar
Úr leik KR og Stjörnunnar í síðustu viku.
Úr leik KR og Stjörnunnar í síðustu viku. vísir/bára
Hannes S. Jónsson, formaður KKÍ, segir að ekki verði leikinn körfubolti á Íslandi næstu fjórar vikurnar en þetta staðfesti hann í Dominos Körfuboltakvöldi í kvöld.

Hann segir að dagurinn í dag hafi verið mikilvægur þáttur í að ákveða þetta en ákvörðunin var tekin seint í kvöld. Fyrst hafi verið athugað hvort að möguleiki væri á að leika fyrir luktum dyrum en svo er ekki.

Hannes segir að leikur Keflavíkur og Skallagríms sem átti að fara fram í Dominos-deild kvenna á morgun hefur verið frestað. Hannes segir að þetta séu oft ekki vinsælar ákvarðanir.

Formaðurinn sagði einnig að dagurinn í dag hafi byrjað þannig að forysta hreyfingarinnar hafi vonast til að leika síðustu umferðirnar fyrir luktum dyrum og klárað deildarkeppnina en það þurfi að hugsa um alla í kringum leikinn.

Hann segir að stjórn KKÍ muni hittast á morgun og ræða hvort að tímabilinu verði frestað eða hreinlega mótið algjörlega blásið af. Viðtalið við Hannes má sjá í heild sinni hér að neðan.

Klippa: Viðtal við Hannes





Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.