Innlent

Hildur heiðruð með kveðju á Hörpu

Kolbeinn Tumi Daðason skrifar
Kveðjan til Hörpu mun birtast klukkan 17:45 og verður sýnileg til miðnættis.
Kveðjan til Hörpu mun birtast klukkan 17:45 og verður sýnileg til miðnættis. Vísir/Vilhelm

Hildur Guðnadóttir, tónskáld og fyrsti Óskarsverðlaunahafi Íslands, fær ljómandi hamingjuóskir frá tónlistarhúsinu Hörpu í kvöld. Til stendur að birta kveðjuna „Til hamingju Hildur!“ á glerhjúpi hússins um klukkan 17:45.

„Okkur fannst ekkert annað koma til greina en að tónlistarhús íslensku þjóðarinnar fagnaði þessum verðskulduðu sigrum Hildar. Viðurkenningin sem hún hefur nú hlotið er mikið fagnaðarefni fyrir alla unnendur tónlistar og menningar og markar vatnaskil fyrir konur á þeim mikilvæga vettvangi,“ segir Svanhildur Konráðsdóttir, forstjóri Hörpu.

Hamingjuóskirnar á hjúpnum má sjá til miðnættis og eru gestir og gangandi í nágrenni Hörpu hvattir til að deila kveðjunni á samfélagsmiðlum.




Fleiri fréttir

Sjá meira


×