Handbolti

Ágúst Elí sagður á förum til KIF Kolding

Ingvi Þór Sæmundsson skrifar
Ágúst Elí hefur leikið 31 leik fyrir íslenska A-landsliðið.
Ágúst Elí hefur leikið 31 leik fyrir íslenska A-landsliðið. vísir/ernir

Samkvæmt heimildum JydskeVestkystens er markvörðurinn Ágúst Elí Björgvinsson á förum til danska úrvalsdeildarliðsins KIF Kolding í sumar.



Ljóst er að Ágúst Elí yfirgefur herbúðir Svíþjóðarmeistara Sävehof eftir þetta tímabil.



JydskeVestkystens greinir frá því að Kolding fái tvo nýja markverði í sumar; Ágúst Elí og líklegast Tim Winkler frá Ribe-Esbjerg.



Þeir fylla skörð Rickard Frisk og Anders Petersen sem yfirgefa Kolding í sumar. Sá fyrrnefndi fer til Team Tvis Holstebro og sá síðarnefndi leggur væntanlega skóna á hilluna.



Tveir Íslendingar leika með Kolding; Árni Bragi Eyjólfsson og Ólafur Gústafsson sem er FH-ingur líkt og Ágúst Elí.



Hinn 24 ára Ágúst Elí lék ekki með Íslandi á EM í þessum mánuði. Hann hefur farið á tvö stórmót með íslenska liðinu; EM 2018 og HM 2019.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.