Veiði

Gott úrval veiðileyfa á Veiða.is

Karl Lúðvíksson skrifar

Þessa dagana sitja veiðimenn yfir framboði á veiðileyfum fyrir komandi sumar og eins og venjulega er úrvalið gott.

Veiðivísir ætlar á næstu dögum og vikum að skoða það framboð sem er hjá veiðifélögum og leigutökum svona rétt til að sjá hvað er í boði og við erum núna að skoða vefinn Veiða.is en þar hefur svæðum fjölgað jafnt og þétt síðustu ár og er vefurinn í dag orðinn einn stærsti söluvefur veiðileyfa á landinu.

Af urriðasvæðum sem eru þar í boði má t.d. nefna Staðartorfu, Presthvamm og Syðra Fjall í Laxá en þetta eru minna þekktu svæðin í þeirri annars vel þekktu á og þarna má oft gera fína veiði. Sjóbirtingssvæðin við Vatnamót og Hraun í Ölfusi eru einnig fáanleg þarna og vert er að nefna að Hraun er þrælskemmtilegt svæði með góða veiðivon og þá sérstaklega snemma á sumrin. Við fundum líka leyfi í Brennuna, Straumana, Langadalsá, Mýrarkvísl, Fremri Laxá, Miðfjarðará silungasvæði og Hvannadalsá bara svo nokkur svæði séu nefnd. Það er því alveg þess virði að kíkja á vefinn hjá þeim og sjá hvort það sé ekki eitthvað spennandi svæði í boði sem þú hefur ekki prófað ennþá.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.