Innlent

Sprengi­sandur: Þór­ólfur og Kári ræða stöðuna

Atli Ísleifsson skrifar
Kári Stefánsson og Þórólfur Guðnason.
Kári Stefánsson og Þórólfur Guðnason. Vísir/vilhelm

Þórólfur Guðnason og Kári Stefánsson verða fyrstu gestir Kristjáns Kristjánssonar í þættinum Sprengisandi á Bylgjunni sem hefst strax að loknum tíufréttum.

Farið verður yfir stöðuna innanlands og utan og rætt um þróunina, opnun landsins, innanlandssmit, bóluefni og annað það sem máli skiptir.

Síðar í þættinum verður rætt við Ólaf H. Wallevik sem er forstöðumaður Rannsóknarstofnunar byggingariðnaðarins sem nú stendur til að leggja niður.

Í kjölfar viðtals við Ríkharð Kristjánsson verkfræðing fyrir viku, þar sem hann sagði í reynd væri ekki verið að leggja niður stofnun heldur verið að hætta gríðarlega mikilvægum rannsóknum á húsunum sem við búum í og setjum allt okkar fjármagn í, verður Ólafur spurður um þetta og eins um rannsóknir á vistvænni steypu sem hann hefur staðið fyrir en verður nú hugsanlega að hætta líka.

Á tólfta tímanum verður svo rætt um eina stærstu spurningu samtímans – hvenær tekur pólitíkin við stjórninni í baráttunni við veiruna. Sóttvarnarlæknir hefur kallað eftir því en hvað þýðir það í raun og veru.

Daði Kristófersson prófessor í hagfræði og frambjóðandi til varaformennsku í Viðreisn, þingkonurnar Sigríður Á. Andersen og Rósa Björk Brynjólfsdóttir munu skiptast á skoðunum um þetta. Er komið að stjórnmálunum eða er best að byggja bara á ráðleggingum vísindamanna áfram?

Hægt er að hlusta á þáttinn í spilaranum að neðan.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.