Fótbolti

Lewandowski var ekki í vand­ræðum með að velja á milli Klopp og Guar­diola

Anton Ingi Leifsson skrifar
Pólverjinn hefur verið magnaður á tímabilinu.
Pólverjinn hefur verið magnaður á tímabilinu. vísir/getty

Framherjinn magnaði, Robert Lewandowski, velur Jurgen Klopp fram yfir Pep Guardiola en hann lék undir stjórn beggja; Klopp hjá Dortmund og Guardiola hjá Bayern Munchen.

Klopp keypti Pólverjann frá Lech Poznan árið 2010 og unnu þeir saman hjá Dortmund í fjögur ár. Þeir unnu tvo þýska meistaratitla ásamt því að komast í úrslitaleik Meistaradeildarinnar.

Síðan hélt Lewandowski til Bayern og Klopp til Liverpool en hjá Bayern vann Lewandowski tvo aðra þýska meistaratitla undir stjórn Pep Guardiola.

Hann var svo spurður út í muninn á þessum tveimur stjórum, Klopp og Guardiola, og beðinn um að velja á milli þeirra.

„Jurgen Klopp er minn uppáhalds og svo kemur Guardiola. Hundrað prósent. Klopp hefur tvö andlit. Þú getur séð að hann er eins og faðir þinn en hitt andlitið er þjálfarinn, stjórinn,“ sagði Lewandowski við ESPN.

„Hann getur sagt þér allt og þá er ég ekki bara að tala um góðu hlutina heldur einnig þá slæmu. Hann hvetur þig. Hann gerir allt fullkomið því hann veit hversu langt hann getur ýtt þér.“

„Frammistaða hans sem þjálfari er mögnuð en ekki bara sem þjálfari heldur einnig sem manneskja,“ sagði Pólverjinn sem virðist halda mikið upp á Klopp.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.