Erlent

Að minnsta kosti tíu látnir í Beirút

Andri Eysteinsson skrifar
Frá vettvangi í dag.
Frá vettvangi í dag. Getty/Anadolu

Að minnsta kosti tíu eru látnir eftir gríðarstóra sprengingu á hafnarsvæði líbönsku höfuðborgarinnar Beirút á fjórða tímanum í dag. Fréttastofa Reuters hefur þetta eftir heimildarmönnum úr röðum heilbrigðis- og öryggisyfirvalda Líbanon.

Enn liggur ekki fyrir hvað olli sprengingunni en grunur leikur á um að sprengingin hafi orðið í flugeldageymslu við höfnina. Yfirvöld segja að sprengingin hafi orðið á svæði þar sem sprengifim efni hafi verið geymd, þó sé ekki að ræða sprengjur.

Heilbrigðisyfirvöld segja að að mikill fjöldi sé slasaður eftir sprenginguna. Fólk sé fast undir rústum byggingarinnar og þá hafi einnig orðið slys á fólki vegna brotins glers vegna höggbylgjunnar.

Þá greinir Reuters frá því að hægt hafi verið að heyra í sprengingunni í Kýpur í yfir 240 kílómetra fjarlægð frá Beirút.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×