Handbolti

Valsmenn mæta Íslendingaliði Holstebro í 1. umferð Evrópu-deildarinnar

Runólfur Trausti Þórhallsson skrifar
Snorri Steinn Guðjónsson og lærisveinar hans í Val eru á leið til Danmerkur.
Snorri Steinn Guðjónsson og lærisveinar hans í Val eru á leið til Danmerkur. Vísir/Daniel Thor

Dregið var í 1. umferð Evrópudeildarinnar í handknattleik í morgunsárið. Valsmenn mæta Íslendingaliði Holstebro en landsliðsmaðurinn Óðinn Þór Ríkharðsson leikur með félaginu. Hann gekk í raðir Holsebro frá GOG nú í sumar.

Alls mæta 30 lið til leiks í 1. umferð keppninnar sem er nokkuð óhefðbundin miðað við það sem gengur og gerist. Liðunum var skipt upp í tvo styrkleikaflokka ásamt því að þeim var skipt niður eftir hvar þau eru staðsett í Evrópu.

Var þetta gert til að lækka ferðakostnað ásamt því að handknattleikssamband Evrópu vildi að liðin myndu forðast löng og strembin ferðalög á meðan kórónufaraldurinn er enn jafn mikil vá og raun ber vitni.

Valur var í neðri styrkleikaflokk á svæði tvö og gat því mætt Holsebro, Melsungen frá Þýskalandi, Arendal frá Noregi, Azoty-Pulawy frá Póllandi eða Malmö frá Svíþjóð. 

Fór það svo að Holsebro kom upp úr hattinum og þar með ljóst að ferðalag Valsmanna gat ekki verið styttra.

Fyrstu leikir keppninnar fara fram í lok ágústmánaðar.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.