Makamál

Einhleypan: Finnst skemmtilegt að veiða fisk og menn

Ása Ninna Pétursdóttir skrifar
Andrea Ingvarsdóttir er Einhleypa Makamála þessa vikuna. 
Andrea Ingvarsdóttir er Einhleypa Makamála þessa vikuna.  Vilhelm/Vísir

„Þeir eru svo leyndir að ég er ennþá að reyna að finna þá,“ segir Einhleypa vikunnar, Andrea Ingvarsdóttir, þegar hún er spurð út í leynda hæfileika.

Andrea starfar sem söngkona og naglafræðingur en framundan hjá Andreu er að taka upp nokkur lög í hljóðveri. 

„Svo bara vonandi fer Covid að pilla sér svo maður geti farið á fullt að gigga aftur.“

Þegar hún er spurð út í það hvernig það sé að vera einhleyp á tímum Covid-19 segir hún: 

Að vera einhleyp núna er eins og að horfa á tómt kjötborð í Nóatúni, korter í lokun.

Nafn? Andrea Ingvarsdóttir.

Gælunafn eða hliðarsjálf? Afi minn, Róbert Arnfinnsson heitinn, kallaði mig alltaf Súsíbús þegar ég var yngri. Annars vil ég bara láta kalla mig Andreu.

Aldur í árum? 35 ára.

Aldur í anda? 135 ára.

Menntun? Stundaði nám í FÍH í eitt ár. Einnig er ég menntaður förðunar- og naglafræðingur.

Aðsend mynd

Hvað myndi sjálfsævisagan þín heita?  Níu líf, fimm búin.

Guilty pleasure kvikmynd? What's Love Got to Do with It, kvikmynd um ævi söngkonunnar Tinu Turner. Tina hafði, tónlistarlega séð, rosalega mikil áhrif á mig á uppvaxtarárunum.

Varstu skotin í einhverjum frægum þegar þú varst yngri? Ricky Martin. Clearly barking up the wrong tree. Ég kann að velja þá!

Talar þú stundum um þig í þriðju persónu?  Nei, ekki svo að ég viti.

Syngur þú í sturtu? Nei, en ég syng allstaðar annars staðar, eldri dóttur minni og syni oft til mikillar óánægju. „Æj mamma í alvöru, hættu plís“. 

Uppáhaldsappið þitt? Scrolla mjög hratt yfir Instagram.

Ertu á Tinder? Sadly yes, hahaha!

Hvernig myndir þú lýsa þér í þremur orðum?  Kaldhæðin, skemmtileg og hvatvís.

Hvernig myndu vinir þínir lýsa þér í þremur orðum? Traust, fyndin og brutally honest. Á góðan hátt, sagði ein vinkona mín í símanum við mig núna.

Hvaða persónuleiginleikar finnast þér heillandi? Menn með góðan húmor, jákvæðir og sjálfstæðir.

Hvaða persónueiginleikar finnast þér aldeilis ekki heillandi? Húmorslausir, taklausir og sjálfhverfir menn.

Hvaða dýr værir þú ef þú værir dýr? Ljónynja.

Aðsend mynd

Ef þú mættir velja einhverja þrjá einstaklinga úr sögunni (lífs eða liðna) til að bjóða í kvöldmat og spjall, hverja myndir þú velja? Róbert Arnfinnsson, Tinu Turner og Jason Statham, aðallega til þess að horfa á hann.

Býrðu yfir einhverjum leyndum hæfileikum? Þeir eru svo leyndir að ég er ennþá að reyna að finna þá.

Hvað finnst þér skemmtilegast að gera? Gera eitthvað skemmtilegt með börnunum mínum, syngja, fara út að borða með vinkonum, ferðast og veiða (bæði fisk og menn).

Hvað finnst þér leiðinlegast að gera? Borga reikninga og allt hitt leiðinlega.

Ertu A eða B týpa? Ég er ofboðslega mikið A.

Hvernig viltu eggin þín? Linsoðin með dass af aromati.

Hvernig viltu kaffið þitt? Ég drekk bara Collab.

Þegar þú ferð út að skemmta þér, hvert ferðu? Þar sem er skemmtilegast. 

Ef einhver kallar þig sjomla? 2010 var að hringja og biðja um gamla djókinn sinn til baka.

Draumastefnumótið?  Ferð til Balí. En ég get alveg byrjað á Færeyjum.

Einhverjir söngtextar sem þú hefur sungið vitlaust? Nei, ég er frekar góð í því að muna alla texta en þá sjaldan sem ég gleymi, þá redda ég mér með því að syngja bara: Vrásen trásen básen.

Hvaða bók lastu síðast? Ég las síðast bókina Dagbók Alberts þegar ég var í 8.bekk (no joke, no shame).

Hvað sástu síðast á Netflix? Horfði á myndina 365 á Netflix. Holy fucking já!

Hvað er ást? Ást er eitthvað sem kemur út frá virðingu, umhyggju, vináttu, umburðarlyndi og trausti.

Aðsend mynd
Aðsend mynd

Makamál þakka Andreu kærlega fyrir spjallið og fyrir áhugasama er hægt að nálgast Instagram prófílinn hennar hér.


Tengdar fréttir

„Ég neita að skammast mín fyrir það hver ég er í dag“

„Ég hafði tekið kynhneigð mína til endurskoðunar nokkrum sinnum en þar sem þekking á því hvað kynhneigð er og hvernig hún virkar var ekki næg þá fann ég aldrei neitt út úr því.“ Þetta segir Brynjar í viðtali við Makamál um reynslu sína af BDSM. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.