Innlent

Af­lýsa Hlaupa­há­tíð Vest­fjarða vegna veðurs

Telma Tómasson skrifar
Mikil rigningarspá gekk eftir á Vestfjörðum.
Mikil rigningarspá gekk eftir á Vestfjörðum. Vísir/Vilhelm

Vegna veðurs ákváðu skipuleggjendur að aflýsa Hlaupahátíð Vestfjarða sem halda átti um helgina. Í gær átti að fara fram Skálavíkurhlaup, í dag Arnarneshlaup, fjallahjólreiðar á morgun og tvöföld Vesturgata á sunnudag.

Hluti dagskrárinnar var keppni í þríþraut, enda var einnig boðið upp á keppni í sjósundi.

Í tilkynningu til keppenda segir að vegna mjög slæmra veðurskilyrða og skriðuhættu á keppnissvæðum sjái skipuleggjendur sér ekki fært að tryggja öryggi keppenda og hafi í samráði við Veðurstofu aflýst hlaupahátíðinni.

Skriða féll einmitt við Bolafjall í gær, þar sem keppendur áttu meðal annars að fara um í fyrsta hlaupinu.

Íþróttir
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið