Veiði

805 laxar komnir í gegnum teljarann í Langá

Karl Lúðvíksson skrifar
Glanni í Langá
Glanni í Langá

Langá á Mýrum er með tvo teljara í ánni sem gefa glögga mynd af stöðunni hvað laxgengd varðar.

Staðan er þó ekki hundrað prósent í teljaranum við fossinn Skugga því töluvert af göngunni fer upp fossinn og sérstaklega eins og núna þegar vatnið er gott í ánni. Teljarinn í Skugga er kominn í 805 laxa sem er mjög gott og það sést líka greinilega í ánni því allir helstu veiðistaðir frá Kattarfossgljúfri eru að verða vel setnir af laxi. Þetta speglast þó ekki í veiðitölum því það hefur verið glampandi sól á vesturlandi síðustu daga og það gerir tökuna oft frekar erfiða. Teljarinn á Fjallinu er að nálgast 100 laxa og fyrstu laxarnir eru farnir að veiðast þar efra. Það má því reikna með því að um leið og það verður veðurbreyting við ánna og eins og Langárunnendur þekkja þá verður takan oft fantagóð þegar það þykknar upp. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.