Veiði

50 laxar á 3 dögum úr Skjálfanda

Karl Lúðvíksson skrifar
Sigurður Gestsson með flottan lax úr Skjálfandafljóti.
Sigurður Gestsson með flottan lax úr Skjálfandafljóti. Mynd: Iceland Outfitters

Það er gaman á þessu erfiða veiðisumri að geta komið góðum veiðifréttum á framfæri og vonandi að með rigningartíð sem haustið vonandi færir okkur verði meira um slíkar fréttir.

Við fengum meðal annars góðar fréttir úr Skjálfandafljóti en það veiðisvæði er í höndum Iceland Outfitters. Þetta er mjög skemmtilegt en að sama skapi krefjandi veiðisvæði sem er yfirleitt mjög gjöfult síðsumars og það virðist sýna sig heldur betur á veiði síðustu daga en það hafa alls komið 50 laxar á land sunnudag til þriðjudags og í gær var talan komin í 17 laxa yfir daginn en samt voru tölur ekki komnar af öllum svæðum.

Heildarveiðin í Skjálfandafljóti var komin í 240 laxa í gærkvöldi en heildarveiðin í fyrra var 250 laxar svo það er ljóst að áinn á eftir að toppa heildarveiðina í fyrra og það líklega í þessari viku. Þetta er flott veiði á aðeins sex stangir og fyrir utan lax er að finna mikinn silung líka bæði sjógengin og staðbundinn.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.