Dagur 2 í Ytri-Rangá: Alls 16 á land

Fjörið heldur áfram í Ytri-Rangá. Alls komu upp 16 fiskar annan daginn sem veitt er í ánni í sumar, 8 laxar og 8 sjóbirtingar, en stærsti laxinn var 11 pund. Veiðin er á næstum öllum svæðum en eina svæðið sem gaf ekki í gær var svæði 7 en 14 stangir eru við veiðar í ánni. Þó allt agn sé leyfilegt í Ytri Rangá til 10. júlí veiðist best á flugu þessa fyrstu tvo daga tímabilsins.

Eins og Veiðivísir sagði frá komu 18 laxar á land opnunardaginn og meirihlutinn vænn tveggja ára lax, sá stærsti 89 sentímetrar. Allir laxarnir fengust á flugu nema einn sem fékkst á spún. Er þetta besti opnunardagur í Ytri Rangá sem menn muna eftir.

Niðurstaðan eftir tvo daga er því 26 laxar og vænn sjóbirtingur kryddar veiðina.

Lax-á á ennþá eitthvað af lausum stöngum fyrir næstu daga. Fyrir frekari upplýsingar um lausar stangir er hægt að leita á agn.is eða á skrifstofu Lax-ár í síma 531-6100.

svavar@frettabladid.is