Veiði

Hylurinn er vikulegt hlaðvarp um veiði

Karl Lúðvíksson skrifar
Rafn Valur er fyrsti gestur Sigþórs í hlaðvarpinu Hylurinn.
Rafn Valur er fyrsti gestur Sigþórs í hlaðvarpinu Hylurinn.

Nú þegar veiðimenn eru farnir að telja niður dagana í næsta veiðitímabil er margt gert til að reyna stytta sér stundir og fyllast tilhlökkunar fyrir næsta veiðisumri.

Nú þegar veiðimenn eru farnir að telja niður dagana í næsta veiðitímabil er margt gert til að reyna stytta sér stundir og fyllast tilhlökkunar fyrir næsta veiðisumri.

Eitt af því sem við ætlum bara klárlega að mæla með er hlaðvarpið hjá Sigþóri Stein Ólafssyni en hann hefur um árabil starfað sem leiðsögumaður auk þess að veiða öllum lausum stundum. Þetta er nýtt hlaðvarp hjá honum en Sigþór er líklega einn albesti silungsveiðimaður landsins og einn af okkar fremstu fluguhnýturum. Að tæknivinnslu þáttanna standa þeir Birkir Mar Harðarson og Vésteinn Þrymur Ólafsson. Báðir forfallnir veiðimenn. Í þessum fyrsta þætti spjallaðar hann við Rafn Val Alfreðsson, leigutaka Miðfjarðarár. Hann fór yfir sérstakt Covid sumar 2020, æskuna á Egilstöðum, veiðar um allan heim og margt fleira.

Hylurinn kemur út vikulega bæði á YouTube sem og sem hefðbundið hlaðvarp á helstu veitur. Stefnt er á að hafa efnistök fjölbreytt en þó er yfirleitt einn eða fleiri gestir í hverri viku. Þú getur hlustað á þáttinn HÉR.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.