Veiði

Bleikjan mætt í þjóðgarðinn

Karl Lúðvíksson skrifar
60 sm sílableikja sem veiddist í Þingvallavatni
60 sm sílableikja sem veiddist í Þingvallavatni Mynd: KL

Þingvallavatn er vel sótt af veiðimönnum yfir sumarið en besti tíminn hefur yfirleitt verið frá maílokum og inn í júlí.

Það er yfirleitt talað um að veiðin á bleikjunni fari ekki í gang fyrr en brumið er komið á trén við vatnið og nú er það komið vel á veg. Við erum þegar farin að fá fréttir frá veiðimönnum sem hafa verið að geta ágætis veiði þjóðgarðsmegin við vatnið og það sem meira er að það er töluvert af vænni bleikju sem er að veiðast.

Stærsta bleikjan sem við höfum heyrt af var hvorki meira né minna en 2,8 kíló og var sleppt aftur eftir hörku viðieign. Veiðimaðurinn bað okkur góðfúslega um að birta ekki mynd sem við sáum á Facebook hjá honum eða gefa nákvæma staðsetningu því það væri áskrift á hópmætingu næstu morgna og þá væri friðurinn úti, við virðum það.

Það skal engu að síður vera sagt að yfirleitt er þetta þannig þjóðgarðsmegin að bleikjan veiðist vel víða á svæðinu þó svo best veiðin sé vestast og færist rólega austur eftir því sem líður á tímabilið. Lykilatriði í góðu gengi í bleikjunni er að veiða með langa tauma og draga löturhægt inn. Vertu tilbúin  með nóg af aukaflugum því eins og vanir menn þekkja við vatnið missir maður alltaf nokkrar flugur í botninn á góðum degi.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.