Innlent

Skjálftar fundust í Eyja­firði í gær

Atli Ísleifsson skrifar
Frá Siglufirði þar sem íbúar hafa fundið vel fyrir skjálftum síðustu vikurnar.
Frá Siglufirði þar sem íbúar hafa fundið vel fyrir skjálftum síðustu vikurnar. Vísir/Jóhann K.

Þrír skjálftar urðu við mynni Eyjafjarðar í gær og varð sá stærsti klukkan 18:34 um 15 kílómetrum norðvestur af Gjögurtá. Sá mældist 3,5 að stærð.

Á vef Veðurstofunnar segir að annar skjálfti af stærð 3,2 hafi orðið fyrr um daginn, eða klukkan 15:40.

„Þriðji skjálftinn yfir 3,0 að stærð varð rétt fyrir miðnætti. Tilkynningar hafa borist um að skjálftarnir fundust á svæðinu.

Jarðskjálftahrinan er enn yfirstandandi. Frá því að hrinan hófst 19. júní hefur sjálfvirkt jarðskjálftakerfi Veðurstofunnar staðsett yfir 10 000 skjálfta. Þrír skjálftar yfir 5 að stærð hafa mælst í hrinunni, sá stærsti á sunnudagskvöldið kl. 19:07 af stærð 5,8 rúma 30 km NNA af Siglufirði. Aðrir skjálftar yfir 5 að stærð voru 5,6 og 5,4 að stærð og voru staðsettir rúma 20 km NA af Siglufirði.

Enn mælist mikið af minni skjálftum á svæðinu og áfram eru líkur á því að fleiri stærri skjálftar muni verða,“ segir í tilkynningunni.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×