Veiði

Stóra Laxá 1-2 opnuð með stæl

Karl Lúðvíksson skrifar
Vala Árnadóttir með fallegan lax úr opnun Stóru Laxár svæði 1-2
Vala Árnadóttir með fallegan lax úr opnun Stóru Laxár svæði 1-2 Mynd: Árni Baldursson FB

Svæði eitt og tvö í Stóru Laxá í Hreppum opnuðu í gær og opnunin á þessu svæði var ekkert síðri en á svæði fjögur sem fór vel af stað.

Þetta var glæsileg opnun sem er í raun ekki lokið ennþá því opnunarhollið skipað ÁrnaBaldurssyni og fjölskyldu hefur ekki lokið veiðum. Fyrstu þrjár vaktirnar hafa gefið tuttugu og fjóra laxa og mest megnið af þvi vænn og fallegur tveggja ára lax. Það virðist töluvert vera gengið í ána og það lofar góðu um framhaldið. Stóra Laxá hefur ekki oft átt svona glæsilega opnun á báðum svæðum og eftir að veitt og sleppt var tekið upp í ánni hefur hún komið mjög sterk til baka eftir að hafa verið heldur mögur mörg árin þar á undan. Árni Baldursson hefur því gert það sem mörgum taldist vera ómögulegt, að koma Stóru Laxá aftur á þann stall þar sem hún á heima.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.