Veiði

Flott veiði í Köldukvísl og Sporðöldulóni

Karl Lúðvíksson skrifar
Það eru ansi vænar bleikjur í Köldikvísl.
Það eru ansi vænar bleikjur í Köldikvísl. Mynd: Fish Partner

Hálendisveiðin hefur verið að koma sterk inn í hlýindum síðusu daga og hafa margir veiðimenn verið að gera frábæra veiði.

Eftir að veiðiþátturinn Sporðaköst sýndi frá veiði í Köldukvísl er óhætt að segja að aðsóknin og áhuginn á svæðinu hafi stóraukist enda er það ekkert skrítið því það veiðist afskaplega vel þarna. Bleikjan er bæði væn og getur verið í miklu tökustuði þegar vel viðrar en sólríkir dagar eins og hefur verið þar efra undanfarið hefur ekkert gert nema aukið tökugleðina að því er virðist. 

Veiðivísir hitti nokkra veiðimenn sem voru á ferðinni þar í gær og voru þeir sem voru þá við veiðar búnir að fá 60-70 bleikjur. Það er þó þannig að þurrkarnir hafa haft þau áhrif að það er lítið vatn í Köldukvísl eins og öðrum dragám svo bleikjan virðist vera treg til að ganga upp og mesta veiðin er í ósnum á ánni þar sem hún rennur í Sportöldulón. Veiðin í lóninu er síðan líka búin að vera frábær og það er mikið af fiski í því sem þarf bara að hafa aðeins fyrir því að finna. Þeir sem þekkja lónið gera oft fína veiði og við höfum þegar heyrt af einum góðkunningja sem var þarna fyrir stuttu og fékk hátt í 40 vænar bleikjur yfir daginn en fékkst ómögulega til að segja meira frá því. Veiðileyfi bæði í lónið og Köldukvísl eru hjá Fish Partner.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.