Guð­mundur á­fram fram­kvæmda­stjóri Bónus

Guðmundur Marteinsson, framkvæmdastjóri Bónus, mun starfa áfram sem framkvæmdastjóri fyrirtækisins. Þann 30. apríl síðastliðinn var tilkynnt um breytingu á framkvæmdastjórn Haga og var þá meðal annars tilkynnt að Guðmundur hefði óskað eftir að láta af störfum.

Náðst hefur samkomulag við Guðmund og mun hann því starfa áfram sem framkvæmdastjóri Bónus. Hann hefur starfað hjá Bónus í hartnær þrjá áratugi og sagði hann þegar tilkynnt var um afsögn hans að erfitt væri að segja skilið við fyrirtækið.