Rafíþróttir

Fylkir og FH óvænt í úrslit

Halldór Már Kristmundsson skrifar
skjáskot

Undanúrslit Stórmeistaramóts Vodafone fór fram í gærkvöldi er Fylkir og FH tryggðu sér sæti í úrslitum. Fylkir sigraði feiknasterkt lið KR og FH sigraði óvænt Íslandsmeistara Dusty. Sviðið er því sett fyrir úrslitaleikin 7. Júní nk.

Við fengum Tómas Jóhannsson lýsanda Vodafone deildarinnar til að ræða aðeins við okkur um þessa leiki í gær.

“Ég á ekki orð yfir þessum leik frá FH-ingum, það sem hann Auðunn Rúnar hefur áorkað með þessu liði á þessum stutta tíma er vægast sagt sturlað. En nú er næsti mótherji Fylkir og það er óljóst hvernig FH standa sig gegn skipulagðari andstæðing, við sáum gegn Þór að þeir áttu erfitt með þá í kortum sem skipulag kom meira inn í.

Svo er það Fylkir ég veit ekki hvernig þeir ætla að finna metnaðinn þegar þeir glata tækifærinu til að sanna sig gegn Dusty. Við höfum séð það svo oft áður að hugafarið er risastór þáttur í íþróttinni."

Fylkir - KR

Fylkir og KR mættust áður í úrslitum Reykjavík International Games og hafði Fylkir nauman sigur 2 - 1. Það var því sett spurningamerki hvort KR væru búnir að æfa nóg til að halda í við Fylki sem eru með stífar æfingar og eru stöðugt að þróa sinn leik.

Kort 1 Train

Fylkir tekur sóknar helming kortsins 9 - 6 sem verður að teljast óvenjulegt, menn voru farnir að halda í sér andanum þegar KR ná að snúa við blaðinu í sókn og komast í 14 - 15.  Það var undir leikmanni Fylkis “th0rsteinnf” að klára leikin með snyrtilegu einstaklingsframtaki 16 - 14 Fylki í hag.

Kort 2 Inferno

Vörn íslensku liðana hefur hingað til verið döpur í inferno, það var því aðdáunarvert að sjá hversu vel KR tókst að setja upp frábæra vörn er þeir lásu áras Fylkis manna lotu eftir lotu og taka fyrri helming kortsins 11 - 4.

Fylki tekst svo að sigra leikin í framlengingu með óvæntum árásum niður miðju kortsins sem KR bjóst engan vegin við. 19 - 17 Fylkir

Maður leiksins Þorsteinn Friðfinnsson

FH - Dusty

Íslandsmeistarar Dusty fengu sitt fyrsta alvöru tap í 2 ár þegar þeir steinliggja á móti FH. Dusty voru fjarri góðu gamni í leikjunum og höfðu engin svör við árásum FH sem spiluðu sinn allra besta leik á tímabilinu.

Kort 1 Mirage

Mirage er talið vera sterkasta kortið sem Dusty spilar, það kom því öllum á óvart þegar FH ná sér í 8 lotur í sóknarhelming sínum. Það trúði svo enginn augum sínum þegar FH sigrar leikin 16 - 13 eftir hálfgerða uppgjöf af hálfu Dusty í lok kortsins.

Kort 2 Inferno 16 - 10 FH

Allra augu voru á Dusty mönnum þegar skipt var yfir í inferno, kort sem hefur strítt þeim í gegnum tíðina og fyrirfram var talið mjög veikt hjá þeim. Það rættist úr spám þegar FH byrja hreint stórkostlega og komast í 12 - 0 í sókn. Dusty sækir síðustu 3 roundin enn það var orðið alltof seint, FH valta yfir íslandsmeistarana og bóka sér sæti í úrslitum Meistaramótsins 16 - 10

Maður leiksins Auðunn Rúnar Gissurarson



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.