Sportið í dag: Nýir þjálfarar KR, Böðvar, Berglind Björg og Ólafía

Strákarnir í Sportinu í dag mæta ferskir til leiks eftir helgarfrí og bjóða upp á flottan þátt í dag. Hann hefst venju samkvæmt klukkan 15:00 á Stöð 2 Sport.

Körfuboltinn hjá KR verður í stóru hlutverki í þætti dagsins. Langt viðtal verður við Böðvar Guðjónsson, formann körfuknattleiksdeildar KR, og einnig verður heyrt í nýjum þjálfurum liðsins.

Berglind Björg Þorvaldsdóttir, leikmaður Breiðabliks, verður í viðtali en hún hefur nýlokið sóttkví eftir að hafa verið á Ítalíu þar sem hún lék með AC Milan.

Þá verður rætt við Ólafíu Þórunni Kristinsdóttur sem vann B59 Hotel mótið á Akranesi um helgina.