Innlent

Icelandair geti lifað af núverandi ástand til næsta vors

Heimir Már Pétursson skrifar
Bogi Nils Bogason forstjóri Icelandair Group segir mikinn styrk felast í innviðum Icelandair sem mörg önnur flugfélög búi ekki yfir. Til að mynda ráði Icelandair yfir rúmlega fimmtíu prósent sölukerfis farmiða sinna.
Bogi Nils Bogason forstjóri Icelandair Group segir mikinn styrk felast í innviðum Icelandair sem mörg önnur flugfélög búi ekki yfir. Til að mynda ráði Icelandair yfir rúmlega fimmtíu prósent sölukerfis farmiða sinna. Vísir/Vilhelm

Stjórn Icelandair stefnir að því ljúka samningum um aðkomu stjórnvalda að endurreisn félagsins fyrir miðjan næsta mánuð. Þá liggi staða fyrirhugaðra kaupa félagsins á tíu Max flugvélum sem Boeing á eftir að afhenda fyrir áður en hlutfjárútboð hefjist í lok júní.

Fulltrúar á hluthafafundinum í dag voru með rúmlega áttatíu prósent hlutafjár á bakvið sig. Þeir samþykktu tillögu stjórnar um hlutafjárútboð samhljóða og án umræðu eftir kynningu forstjórans.Vísir/Vilhelm

Vel var mætt á þennan sögulega hlutahafafund sem stóð á bakvið rúmlega áttatíu prósent hlutafjár í félaginu, sem afsalaði sér forkaupsrétti á nýju hlutafé upp á allt að 200 milljónir dollara. Bogi Nils Bogason forstjóri Icelandair segir stefnt að því að ljúka samningum við stjórnvöld áður en landið verir opnað á ný fyrir erlendum ferðamönnum.

„Við erum í viðræðum við fulltrúa ríkisstjórnarinnar, við lánadrottna okkar. Þannig að það eru margir þræðir í þessu verkefni sem við vinnum að. Markmiðið er að klára þá alla í rauninni fyrir 15. júní og hefja þá sölu hlutafjár,“ segir Bogi Nils.

Reiknað sé með að henni verði lokið fyrir 2. júlí. Nú komi sér vel að eiga skuldlítin eldri flugflota sem kosti lítið að hafa verlefnalítinn. Boeing á eftir að afhenda Icelandair tíu Max flugvélar sem hafa verið í flugbanni í um ár. Niðurstaða í þeim málum eigi að liggja fyrir áður en hlutafjárútboð hefst.

Bæði tíðni og áfangastaðir; mun þeim fækka um leið og þið komist af stað núna í sumar og jafnvel á næsta ári og þarnæsta?

Mikið hefur mætt á forstjóranum og stjórn Icelandair undanfarna mánuði við að koma félaginu út úr þeirri kreppu sem kórónuveirufaraldurinn gekk yfir. Bogi Nils segist þrátt fyrir allt bjartsýnn á að samningar náist við flugfreyjur og þjóna.Vísir/Vilhelm

„Leiðarkerfið verður byggt hægt upp. Þetta fer ekki allt í gang í einu. Markaðir munu opna á mismunandi tímum og með mismunandi hætti. Þannig að þetta mun gerast svona smám saman. En markmið okkar er og við höfum alla burði, alla innviði og sveigjanleika til að byggja leiðarkerfið upp aftur eins og það var þegar það var sem stærst,“ segir Bogi Nils.

En stjórnin miði við að félagið geti lifað af verstu sviðsmynd um þróun farþegafjölda á næstu árum og nái ekki sama fjölda og í fyrra fyrr en árið 2024.

„Við búum félagið undir að þetta geti tekið þennan tíma. En við erum alveg tilbúin til að gera þetta miklu hraðar. Allir innviðir eru til staðar til þess,“ segir forstjórinn.

Mikil óvissa ríkir um opnun umheimsins fyrir ferðamönnum og gæti allt eins teygst úr einangrun markaðssvæða.

„Við erum að sýna fram á að þótt þetta verði svona eins og þú ert að lýsa, að hlutirnir fari ekkert í gang fyrr en í byrjun næsta árs eða í mars á næsta ári, verði félagið samt álitlegur fjárfestingarkostur. Og ef þetta gerist fyrr er það í raun bónus fyrir fjárfesta,“ segir Bogi Nils Bogason.


Tengdar fréttir

Icelandair missti af lestinni fyrir 18 árum

Árið 2002 fékk Icelandair gullið tækifæri til að lækka rekstrarkostnað og búa sig undir vaxandi samkeppni. Þetta ár kom Iceland Express til skjalanna. Með mun lægri kostnaði og sveigjanleika í rekstri gat Iceland Express boðið lægri fargjöld en Icelandair nokkru sinni.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.