Segir Sancho betur staddan hjá Dortmund en Man Utd

Emre Can, fyrrum leikmaður Liverpool og núverandi samherji Jadon Sancho hjá Borussia Dortmund, segir að enska ungstirnið sé betur stadd að leika fyrir Dortmund í þýsku úrvalsdeildinni heldur en Manchester United í þeirri ensku.

Sancho hefur verið með betri leikmönnum þýsku deildarinnar í vetur og hefur hann verið orðaður við endurkomu til Manchester-borgar en hann fór frá Manchester City til Dortmund á sínum tíma. Can skilur þó ekki af hverju Sancho ætti að vilja fara.

„Sé ekki af hverju leikmaður ætti að velja Manchester United fram yfir Dortmund,“ sagði Can í viðtali við þýska fjölmiðilinn Bild en miðjumaðurinn var sjálfur orðaður við Man Utd áður en hann gekk í raðir Dortmund frá ítalska stórliðinu Juventus.

„Hann er á betri stað, íþróttalega séð, í Dortmund og það er fátt sem heillar við Manchester United þessa dagana. Ég ráðlegg honum að halda kyrru fyrir í Þýskalandi og þá getum við spilað saman að eilífu,“ sagði Can að lokum en hann lék með erkifjendum Man Utd í Liverpool frá árunum 2014 til 2018.