Innlent

Boðað til fundar í kjaradeilu flugfreyja og Icelandair

Sunna Kristín Hilmarsdóttir og Birgir Olgeirsson skrifa
Aðalsteinn Leifsson, ríkissáttasemjari, og Guðlaug Líney Jóhannsdóttir, formaður Flugfreyjufélags Íslands, á samningafundi í deilunni.
Aðalsteinn Leifsson, ríkissáttasemjari, og Guðlaug Líney Jóhannsdóttir, formaður Flugfreyjufélags Íslands, á samningafundi í deilunni. Vísir/Vilhelm

Boðað hefur verið til formlegs fundar í kjaradeilu Flugfreyjufélags Íslands og Icelandair hjá ríkissáttasemjara klukkan 14 í dag.

Óformlegum fundi deiluaðila lauk laust fyrir klukkan eitt í nótt án niðurstöðu. Samkvæmt upplýsingum fréttastofu var þá einhver gangur kominn í viðræðurnar.

Hluthafafundur er hjá Icelandair á föstudag. Allt kapp er lagt á að ná kjarasamningum við fagstéttir félagsins áður en fundarins kemur en félagið hefur náð samningum við flugmenn og flugvirkja.

Síðasti formlegi fundur í deilu flugfreyja og Icelandair var á miðvikudaginn í síðustu viku. Honum var slitið þegar samninganefnd flugfélagsins þótti einsýnt að samningar myndu ekki nást.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×