Hummer EV verður sennilega ekki fyrsti raf-pallbíllinn

Kristinn Ásgeir Gylfason skrifar 14. apríl 2020 07:00

Forseti General Motors hefur gefið út yfirlýsingu sem segir að Hummer gæti orðið fyrsti raf-pallbíllinn á markað.

GM ætlar að kynna Hummer EV þann 20. maí næstkomandi. Hann á að vera fáanlegur á haustmánuðum næsta árs. Hann á að vera allt að 1000 hestöfl og vera 3 sekúndur í 100km/klst. úr kyrrstöðu.

Annað hvort veit Mark Reuss, forseti GM ekki af Rivian sem ætti samkvæmt sínum áætlunum að fara að afhenda pallbíla af gerðinni R1T á þessu ári. Eða þá að Reuss telji Rivian einfaldlega ekki samkeppnisaðila.

Tesla hristi upp í pallbílaheimum síðasta haust þegar framleiðandinn kynnti Cybertruck til sögunnar. Tesla tókst að sela sviðsljósi raf-pallbíla um stund. Það má ætla að risarnir þrír í Detriot (GM, FORD og Fiat Chrysler) séu undir pressu að skila sínum raf-pallbílum til neytenda sem allra fyrst. Annars verða þeir gripnir í bólinu.

Hættan á slíkri smánun gæti verið kveikjan að þeirri yfirlýsingu sem Reuss gaf út. Yfirlýsingin er röng ef áætlanir Rivian ganga eftir.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.