Kjarasamningur hjúkrunarfræðinga í höfn

Sylvía Hall skrifar 10. apríl 2020 16:54

Samninganefndir ríkisins og Félags íslenskra hjúkrunarfræðinga hafa náð samkomulagi og undirritað kjarasamning.

Fundur hófst í dag klukkan 13 í húsakynnum ríkissáttasemjara. Í samtali við Vísi í gær sagðist Aðalsteinn Leifsson ríkissáttasemjari vera vongóður, gott samtal ætti sér stað og samninganefndirnar væru vel undirbúnar.

Hjúkrunarfræðingar höfðu verið samningslausir í tæpt ár. Guðbjörg Pálsdóttir, formaður Félags hjúkrunarfræðinga segir biðina mögulega hafa verið þess virði.

Öllum varúðarreglum var fylgt við undirritun í dag.Vísir

Hún segir mörg tækifæri felast í samningnum. Stóra breytingin sé breyting á vaktaálagi og stytting vinnuvikunnar. Lífskjarasamningurinn sé undir ásamt ýmsu öðru sem samið hefur verið um.

Hún gat ekki tjáð sig um launahækkanir að svo stöddu í samtali við fréttastofu þar sem fyrst þurfi að kynna samninginn fyrir félagsmönnum.

Kjaramál

Tengdar fréttir

„Það finna allir mjög þétt til ábyrgðar“

Aðalsteinn Leifsson ríkissáttasemjari segist vera ánægður með fund dagsins hjá samninganefndum ríkisins og Félags íslenskra hjúkrunarfræðinga.

9. apríl 2020 19:36

Hjúkrunarfræðingar og ríkið funda á skírdag

Fundur samninganefnda ríkisins og Félags íslenskra hjúkrunarfræðinga stóð yfir í sex klukkustundir og lauk um klukkan 19 í kvöld, án niðurstöðu

8. apríl 2020 21:22

Fá að hittast á fundi Ríkissáttasemjara með leyfi sóttvarnalæknis

Annar fundur milli samninganefnda Félags hjúkrunarfræðinga og íslenska ríkisins hefur verið boðaður í húsakynnum sáttasemjara á morgun klukkan 13.

6. apríl 2020 13:18

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.