Göran Persson gegn klámvæðingu

Göran Persson, forsætisráðherra Svíþjóðar, vill skera upp herör gegn klámvæðingu sænskra fjölmiðla. Hefur hugmyndum hans verið fálega tekið af fjölmiðlum, sem fullyrða að þetta sé ekkert annað en ósvífin tilraun til ritskoðunar. Það er meðal annars fjölgun mynda af fáklæddum konum í dagblöðum sem fer fyrir brjóstið á ráðherranum. Það þykir hins vegar draga úr málflutningi hans að hugmyndirnar koma fram um líkt leyti og kvennahreyfing jafnaðarmanna heldur þing sitt og vilja menn líta á þetta sem tilraun Perssons til að höfða til kvenna, en líklegt er að sérstakur kvennalisti bjóði fram við þingkosningar í Svíþjóð á næsta ári.