Viðskipti innlent

Festi hefur haft samband við Vinnumálastofnun vegna endurgreiðslu hlutabótaleiðarinnar

Andri Eysteinsson skrifar
Eggert Þór Kristófersson, forstjóri Festis, segir fyrirtækið ætla að endurgreiða hlutabótaleiðina.
Eggert Þór Kristófersson, forstjóri Festis, segir fyrirtækið ætla að endurgreiða hlutabótaleiðina.

Eignarhaldsfélagið Festi hefur haft samband við Vinnumálastofnun með það að markmiði að endurgreiða þá upphæð sem fyrirtækið sparaði sér með aðgerðunum. Þetta segir Eggert Þór Kristófersson, forstjóri Festis í samtali við Vísi í kvöld.

„Við höfðum samband við Vinnumálastofnun á föstudaginn til að endurgreiða hlutabótaleiðina. Það er ekki enn þá komið í ferli hvernig því verður háttað,“ sagði Eggert.

Festi, sem rekur verslanir Krónunnar og Elko auk bensínstöðva N1 og vöruhótelsins Bakkans, hafði verið gagnrýnt fyrir að hafa nýtt sér hlutabótaleiðina.

Eggert segist eiga von á því að í vikunni skýrist hvernig endurgreiðslu verði háttað. „Ferlið er ekki til og það er verið að hanna það,“ segir Eggert og segir það eiga við um öll fyrirtæki sem hafa lofað endurgreiðslu.

„Starfsmennirnir fengu greiðslurnar en ekki fyrirtækin. Við eigum von á því að fá svar í vikunni hvernig við eigum að fara að þessu,“ sagði Eggert í samtali við Vísi.

Fyrr í dag tilkynnti Össur hf. að ákvörðun um endurgreiðslu hafi verið tekin, áður höfðu Hagar og Skeljungur auk Kaupfélags Skagfirðinga sagst ætla að endurgreiða Vinnumálastofnun.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
SYN
5,33
12
19.164
BRIM
4,76
17
260.514
ORIGO
2,41
18
252.150
VIS
2,21
6
57.872
EIM
2,05
2
15.025

Mesta lækkun dagsins


Félag
Br.%
Fjöldi
Velta*
ICEAIR
-1,2
70
49.732
HAGA
-1,01
8
100.242
ARION
-0,79
23
160.956
MAREL
-0,68
12
30.098
LEQ
-0,43
2
5.475
Velkomin á Vísi. Þessi vefur notar vafrakökur. Sjá nánar.