Áhyggjur af hryðjuverkum

Hryðjuverkaógnin er nú talin helsta hindrunin í vegi hagvaxtar í Bandaríkjunum. Þetta kemur fram í könnun hagfræðinga sem kynnt var í gær. Fjörutíu prósent þátttakenda í könnuninni höfðu áhyggjur af hryðjuverkaógninni en aðeins 23 prósent nefndu útgjaldaaukningu ríkisins og fjárlagahalla sem helsta áhyggjuefnið. Í annarri könnun kemur fram að hagfræðingar telji að næsti Bandaríkjaforseti eigi að verja fjórðungi starfsorku sinnar í að leysa vandamál Mið-Austurlanda og eiga við hryðjuverkaógnina. Næstmesta athygli ætti hann að gefa fjárlagahallanum.