Talsverð umferðarteppa myndaðist á Reykjanesbraut í vesturátt þegar olía hóf að leka úr bílaflutningabíl við Vogaafleggjara. Tveir bílar og fimm manna lið frá Brunavörnum Suðurnesja var sent á vettvang og lögregla girti vettvanginn af. 

Samkvæmt upplýsingum frá Brunavörnum Suðurnesja var hreinsunarstarfi á vettvangi að ljúka nú á sjötta tímanum en útkallið barst skömmu fyrir klukkan fimm. Heilbrigðiseftirlitið var einnig kallað á vettvang.