Fylkir heldur í við toppliðin

Fylkir vann í kvöld öruggan sigur á HK í N1-deild kvenna, 38-29, og heldur því í við topplið deildarinnar. Staðan í hálfleik var 22-14.

Með sigrinum komst Fylkir upp að hlið Stjörnunnar og Vals en öll liðin eru með tólf stig. Fram er á toppnum með fjórtán stig.

Leikurinn í kvöld var sá fyrsti í áttundu umferð og eiga því hin liðin leik til góða á Fylki.

Fylkir - HK 38-29 (22-14)

Mörk Fylkis: Arna Valgerður Erlingsdóttir 12, Sunna María Einarsdóttir 8, Tinna Soffía Traustadóttir 6, Nataly Sæunn Valencia 4, Elín Helga Jónsdóttir 3, Áslaug Gunnarsdóttir 3, Sigríður Hauksdóttir 2.

Mörk HK: Elín Anna Baldursdóttir 9, Brynja Magnúsdóttir 7, Heiðrún Björk Helgadóttir 4, Lilja Lind Pálsdóttir 2, Tatjana Zukovska 2, Valgerður Ýr Þorsteinsdóttir 2, Tinna Rögnvaldsdóttir 1, Sóley Ívarsdóttir 1, Harpa Baldursdóttir 1.